Manchu Vishnu: ఉచిత హెల్త్‌ చెకప్‌.. ‘మా’ ప్రెసిడెంట్ కొత్త నిర్ణయం

‘మా’ ప్రెసిడెంట్ మంచు విష్ణు మా అసోసియేషన్ సభ్యుల కోసం ఒక బృహత్తర కార్యానికి శ్రీకారం చుట్టారు. ‘మా’ అసోసియేషన్ ఆధ్వర్యంలో మెగా హెల్త్ క్యాంప్ ను నిర్వహించారు. గచ్చిబౌలిలోని ఏఐజీ ఆసుపత్రిలో ‘మా’ సభ్యులకు హెల్త్ చెకప్ జరిపించారు. ఈ హెల్త్ చెకప్ లో 200 మంది సభ్యులకు ఫ్రీ హెల్త్ చెకప్ చేశారు వైద్యులు. ఈ సందర్భంగా ఏర్పాటు చేసిన ప్రెస్ మీట్ లో మంచు విష్ణు మాట్లాడుతూ “‘మా’ సభ్యులకు ఏఐజీ వారు ఫ్రీ హెల్త్ చెకప్స్ చేశారు. సెవెన్ స్టార్ ఫెసిలిటీస్ తో ‘మా’కు సేవలందించారు. డా.నాగేశ్వర రెడ్డికి ప్రపంచవ్యాప్తంగా పేరుంది. అలాంటివారు ‘మా’ సభ్యులకు హెల్త్ చెకప్ చేయడం చాలా సంతోషంగా ఉంది. ఈ కార్యక్రమం వలన ‘మా’ సభ్యులందరు బెనిఫిట్ పొందుతారు అని చెప్పుకొచ్చారు.

ఇక ‘మా’ సభ్యుడు, నటుడు నరేష్ మాట్లాడుతూ ” మంచు విష్ణు అధ్యకుడైన తరువాత ఫస్ట్ ప్రిఫరెన్స్ హెల్త్ కి ఇవ్వడం సంతోషంగా వుంది. ఇక దీని తరువాత సభ్యుల అవకాశాలకు కూడా ఒక కమిటీ ఏర్పాటు చేశారు. ఎందుకంటే ఆరోగ్యం వుంటేనే అవకాశాలు వస్తాయి. ఏఐజీ ఆసుపత్రి వారు ‘మా’ కు చేస్తున్న సహకారం మరువలేనిది. డా.నాగేశ్వర్ రెడ్డి గారికి కృతజ్ఞతలు. మంచు విష్ణు అధ్వర్యంలో రెండో హెల్త్ క్యాంప్ జరుగుతుంది. ఈరోజు జరిగిన క్యాంప్‌లో సుమారు 300కి పైగా మా సభ్యులు చెకప్‌లు చేసుకున్నారని, ఇక్కడి వైద్యం అంతా ఇంటర్నేషనల్ లెవెల్లో ఉందని ” తెలిపారు.