“జోంబీ రెడ్డి”తో హిట్ అందుకున్న కాంబోలో మరో సరికొత్త జోనర్ లో మూవీ రూపొందనున్న విషయం తెలిసిందే. యంగ్ హీరో తేజ సజ్జ, టాలెంటెడ్ డైరెక్టర్ ప్రశాంత్ వర్మ కలిసి మరోసారి “హను-మాన్” ప్రాజెక్ట్ ను తెరకెక్కించబోన్నారు. తెలుగులో మొదటిసారిగా సూపర్ హీరో సినిమా ఇదే కావడంతో ప్రేక్షకులలో విపరీతమైన ఆసక్తిని నెలకొంది. అయితే అప్పుడే సినిమా ప్రచార కార్యక్రమాలను మొదలు పెట్టేశారు మేకర్స్. ఈ సినిమా నుండి ఫస్ట్ లుక్ సెప్టెంబర్ 18 న ఉదయం 10.08 గంటలకు విడుదల కానుంది అంటూ ఓ పోస్టర్ ను రిలీజ్ చేశారు. దానిపై “అంజనాద్రి ప్రపంచం నుంచి హనుమంతుడిని మీట్ అవ్వండి” అని రాశారు. దీంతో మునుపెన్నడూ లేని అవతారంలో తేజను చూడాలనే ఉత్సాహం మొదలైంది ప్రేక్షకుల్లో.
Read Also : సత్యభామను పరిచయం చేసిన “బంగార్రాజు”
ప్రీ-లుక్ పోస్టర్ లో హనుమంతుడు నీటిలో పడిపోవడం కన్పిస్తోంది. బహుశా అది సముద్రం అయ్యి ఉండొచ్చు. ప్రైమ్ షో ఎంటర్టైన్మెంట్స్ ఈ చిత్రాన్ని నిర్మిస్తోంది. ఈ చిత్రాన్నిఅత్యాధునిక విఎఫ్ఎక్స్ తో రూపొందించనున్నారు. ఈ సినిమా షూటింగ్ హైదరాబాద్లో శరవేగంగా జరుగుతోంది.
