మెగాపవర్ స్టార్ రామ్ చరణ్ తేజ్, బుచ్చిబాబుతో #RC16 అనౌన్స్ చేయగానే సోషల్ మీడియాలో మెగా నందమూరి అభిమానులు మధ్య కొత్త చర్చ మొదలయ్యింది. తారక్ అభిమానులు ‘టెంపర్’ తర్వాత ఎన్టీఆర్ రిజక్ట్ చేసిన ఏ సినిమా హిట్ అవ్వలేదు అంటుంటే, దీనికి ఉదాహరణగా ‘లై’, ‘లైగర్’, ‘నా పేరు సూర్య నా ఇల్లు ఇండియా’, సినిమాల పేర్లు చెప్తున్నారు. నిజానికి నందమూరి అభిమానులు చెప్తున్నట్లు టెంపర్ మూవీ వరకూ ఒకలా ఉన్న ఎన్టీఆర్ గ్రాఫ్ టెంపర్ తర్వాత పూర్తిగా మారిపోయింది. బ్యాక్ టు బ్యాక్ హిట్స్ ఇస్తున్న తారక్ డబుల్ హ్యాట్రిక్ హిట్స్ కొట్టాడు. తన కథలని జాగ్రత్తగా ఎంచుకుంటున్న తారక్, ఈమధ్య కాలంలో రిజక్ట్ చేసిన ఏ సినిమా హిట్ అవ్వలేదు అనే మాట నిజమే. అయితే బుచ్చిబాబు కథని ఎన్టీఆర్ రిజక్ట్ చేయలేదు, తనకి నచ్చింది చేస్తానని కమిట్ కూడా అయ్యాడు కానీ డేట్స్ అడ్జస్ట్ చేయలేకపోయాడు. దీంతో ఆ కథ ఎన్టీఆర్ నుంచి చరణ్ కి షిఫ్ట్ అయ్యింది.
ఇండస్ట్రీలో ఇలాంటివి మాములే కాకపోతే ఇక్కడ ఎన్టీఆర్ చరణ్ మంచి ఫ్రెండ్స్ కాబట్టి బుచ్చిబాబు సినిమాని చరణ్ టేకప్ చేసే టైంలో ఎన్టీఆర్ తో మాట్లాడాడనే టాక్ ఇండస్ట్రీలో ఉంది. ఇదిలా ఉంటే ఎన్టీఆర్ ఫాన్స్ చెప్తున్న ‘టెంపర్ తర్వాత ఎన్టీఆర్ రిజక్ట్ చేసిన ఏ సినిమా హిట్ అవ్వలేదు’ అనే మాటకి ‘ఫర్ ఏ చేంజ్ ఈసారి ఎన్టీఆర్ రిజక్ట్ చేసిన చేసిన సినిమా పాన్ ఇండియా హిట్ అవుతుందంటూ’ కౌంటర్ వేస్తున్నారు. అయితే ఇక్కడ ఇద్దరు హీరోల అభిమానులు గమనించాల్సిన విషయం ఏంటంటే అటు చరణ్ దగ్గర కానీ ఇటు ఎన్టీఆర్ దగ్గర కానీ బుచ్చిబాబు కథ మాత్రం రిజక్ట్ అవ్వలేదు. ఇద్దరు హీరోలూ ఒప్పుకున్నారు అంటే అందులో ఎంతో విషయం ఉండి ఉంటుంది. సో ఆ కథలో ఏ హీరో చేసినా అది హిట్ అయ్యే అవకాశాలే ఎక్కువ ఉన్నాయి.