GOAT: చేతులు కాలాక ఆకులు పట్టుకుంటానంటున్న డైరెక్టర్
Director Venkat Prabhu about GOAT and Rajadurai Comparisions: తమిళ స్టార్ హీరో దళపతి విజయ్ చివరి సినిమాగా ప్రచారం జరిగిన ది గ్రేటెస్ట్ ఆఫ్ ఆల్ టైం గోట్ సినిమా గత నెలలో ప్రేక్షకుల ముందుకు వచ్చింది. ఈ సినిమా తెలుగు ప్రేక్షకులను ఏమాత్రం ఆకట్టుకోలేకపోయింది. అయితే తమిళ ప్రేక్షకులు మాత్రం సినిమాని ఒక రేంజ్ లో హిట్ చేశారు. అయితే గోట్ సినిమా మీద అనేక విమర్శలు కూడా వచ్చాయి. ముఖ్యంగా ఈ సినిమా విజయ్ కాంత్ హీరోగా నటించిన రాజదురై అనే సినిమాకి దగ్గరగా ఉందని ఒకరకంగా దాని నుంచే సినిమా కాపీ కొట్టారని కూడా కొంతమంది కామెంట్లు చేశారు. తాజాగా ఈ విషయం మీద ఈ సినిమా దర్శకుడు వెంకట్ ప్రభు స్పందించాడు. తనకు విజయకాంత్ హీరోగా నటించిన రాజదురై సినిమా కథ తెలియదని ఆయన చెప్పుకొచ్చాడు.
Akhil Akkineni: సరికొత్త ‘అయ్యగారు’ లోడింగ్!
గోట్ సినిమా రిలీజ్ అయ్యే వరకు విజయ్ కాంత్ రాజుదురై కథ ఏంటో తనకు తెలియదని ఒకవేళ తనకు ఇలాంటి సినిమా ఒకటి ఉందని తెలిసి ఉంటే కచ్చితంగా దాన్ని చూసి తర్వాత ఎలాంటి పోలికలు లేకుండా గోట్ ఇంకా బెటర్ గా తీసి ఉండేవాడిని చెప్పుకొచ్చాడు. ఈ మేరకు ఆయన మాట్లాడుతున్న వీడియో ఒకటి సోషల్ మీడియాలో వైరల్ అవుతోంది. అయితే నిజానికి ఆయన చేతులు కాలాక ఆకులు పట్టుకుంటున్నాడని అంటున్నారు. ఎందుకంటే ఈ రాజ దురై సినిమాని విజయ్ తండ్రి ఎస్సీ చంద్రశేఖర్ డైరెక్ట్ చేశారట. విజయ్ తండ్రి డైరెక్ట్ చేసిన సినిమా అంటే విజయ్ చూడకుండా ఉండరు. ఆ సినిమా కథ ఆయనకు తెలియకుండా ఉండదు. అలాంటి కథతోనే మరో సినిమా చేస్తున్నారని బహుశా ముందే వెంకట్ ప్రభుతో చర్చించి ఉండవచ్చని, అయినా సరే ఈ జనరేషన్ కి పెద్దగా ఆ సినిమా కథ తెలియదు కాబట్టి ముందుకు వెళదామని వెంకట్ ప్రభు ఆయనని ఒప్పించి ఉండవచ్చు అని అంటున్నారు. అంతా జరిగిపోయిన తర్వాత అసలు అలాంటి సినిమా ఒకటి ఉందని తనకు తెలియదు అనడం కామెడీగా ఉందంటూ తమిళ నెటిజన్లు సోషల్ మీడియాలో కామెంట్స్ చేస్తున్నారు.