Hello Meera: ఒకే పాత్రతో గంటన్నర వినోదం! డైరెక్టర్ శ్రీనివాస్ సాహసం!!
- Follow Us :
-
-
Add as a preferred
source on google
Kakarla Srinivas: భారీ భారీ డైలాగులు, అట్రాక్ట్ చేసే డ్యూయెట్స్, ఔరా అనిపించే ఫైట్ సీన్స్.. సినిమా అనగానే ఇవేకదా మనకు గుర్తొచ్చేవి. అయితే అందుకు పూర్తి భిన్నంగా ఎలాంటి ఫైట్స్, డ్యూయెట్స్ లేకుండా కేవలం సింగిల్ క్యారెక్టర్తో సినిమా తీయడమంటే అది గొప్ప సాహసమే అని చెప్పుకోవాలి. ఎంతో ధైర్యం, కథపై నమ్మకం ఉంటే తప్ప అలాంటి సినిమా తీయడానికి ఏ దర్శకుడు ముందుకు రాలేడు. కానీ అదే చేసి చూపించారు డైరెక్టర్ కాకర్ల శ్రీనివాస్. సినిమా అంటే వ్యామోహం.. సినిమానే జీవితం అన్నట్లుగా ముందుకు వెళుతున్న కాకర్ల శ్రీనివాస్ ఎవ్వరికీ తెలియకపోవచ్చు కానీ.. తెరవెనుక ఉండి ఎన్నో సినిమాలను విజయ తీరాలకు చేర్చిన ఘనత ఆయన సొంతం. ప్రఖ్యాత దర్శకులు బాపు దగ్గర అసోసియేట్ డైరెక్టర్ గా పని చేసిన కాకర్ల శ్రీనివాస్ ఆయన చివరి సినిమా ‘శ్రీరామరాజ్యం’ వరకు నీడలా ఆయన వెంటే ఉన్నారు. తనలోని టాలెంట్ బాపు గారితో పంచుకుంటూ గొప్ప సినిమాలకు తెర రూపమిచ్చారు.
అదే అనుభవాన్ని రంగరిస్తూ తన టాలెంట్ నేరుగా బయటపెట్టడానికి ‘హలో మీరా’ అనే సినిమాను కాకర్ల శ్రీనివాస్ రూపొందించారు. కేవలం ఒకే ఒక్క క్యారెక్టర్తో ప్రేక్షకులను అలరించడానికి రెడీ అయ్యారు. కోట్ల సంపద లేకున్నా మెదడులో దాగి ఉన్న పదునైన ఆలోచనలతో డిఫరెంట్ స్టోరీ రాసుకొని ‘హలో మీరా’ అనే క్యాచీ టైటిల్ తో ఈ నెల 21న ప్రేక్షకుల ముందుకొస్తున్నారు. సింగిల్ క్యారెక్టర్ తో సగటు ప్రేక్షకుడికి కావాల్సిన అన్ని ఎమోషన్స్ వెండితెరపై పండించడం అంత సులువు కాదు. కానీ తన కథ పట్ల తనకున్న అపారమైన నమ్మకంతో అలాంటి సాహసం చేస్తూ ప్రయోగాత్మక సినిమా తీశారు. వైవిద్యభరితమైన కథలో ఊహించని ట్విస్టులతో ప్రేక్షకులను థ్రిల్ చేయడానికి రెడీ అయ్యారు. తెరపై కేవలం ఒక అమ్మాయిని మాత్రమే చూపిస్తూ సగటు ప్రేక్షకుడి బుర్రలో బోలెడు రోల్స్ మెదిలేలా ఈ సినిమాను తెరకెక్కించడం ప్రత్యేకంగా చెప్పుకోవాల్సిన అంశం. తెరపై కనిపించేది మీరా అనే అమ్మాయే అయినా వినిపించే పాత్రలన్నీ సగటు ప్రేక్షకుడి మదిలో మెదిలేలా రూపొందించారు. ప్రేమ, స్నేహం, స్నేహితుల కోసం దెబ్బలు తినడం, మీడియా సమావేశంలో గొడవలూ, రౌడీయిజాలూ, కొట్లాటలూ, టీవీలో బ్రేకింగ్ న్యూస్ అన్నీ ప్రేక్షకుడి కళ్ల ముందు కదలాడేలా జాగ్రత్త పడ్డారు. ఇప్పటికే ఈ సినిమా చూసిన కొందరు ప్రముఖులు కాకర్ల శ్రీనివాస్ ప్రతిభను కొనియాడుతున్నారు. సినిమా అంటేనే కమర్షియల్ ఎలిమెంట్స్ అనుకుంటున్న ఈ రోజుల్లో గొప్ప సినిమా తీశారని, ఆడియో విజువల్ టెక్నాలజీలో తీసిన ఈ ‘హలో మీరా’ సినిమా ప్రేక్షకులకు ఎన్నడూ లేని విభిన్న అనుభూతిని కలిగిస్తుందని అంటున్నారు.
Also Read
- Rajkumar Periasamy: ‘ఓం’ సినిమాలో ఆ సందేశం ఉండదు.. రూమర్లకు చెక్ పెట్టిన రాజ్కుమార్!
- Dulquer Salmaan: దుల్కర్ సడెన్ సర్ప్రైజ్.. కొత్త సినిమా టైటిల్ ఇదేనట!
- Ram Nithin: రామ్ నితిన్ కొత్త మూవీ.. ఇద్దరు అందాల భామలతో క్రేజీ ప్రాజెక్ట్!
- Ramayana: ‘కేజీఎఫ్ 2’ను దాటేసిన ‘రామాయణ’.. నెక్స్ట్ టార్గెట్ ‘పుష్ప 2’!
తాజావార్తలు
-
Healthy Winter Breakfast: చలికాలంలో ఆరోగ్యకరమైన అల్పాహారం.. వేడివేడిగా సజ్జల వెజిటబుల్ ఉప్మా!.. 5 నిమిషాల్లో రెడీ..!
-
Rajkumar Periasamy: ‘ఓం’ సినిమాలో ఆ సందేశం ఉండదు.. రూమర్లకు చెక్ పెట్టిన రాజ్కుమార్!
-
MS Dhoni: “ధోనీ ఆట, హెయిర్స్టైల్కు నాటి పాకిస్థాన్ అధ్యక్షుడు ఫిదా”.. 20 ఏళ్ల నాటి ఘటనను గుర్తుచేసిన రాజీవ్ శుక్లా
-
BMW R 12 G/S: రూ.25.40 లక్షలతో BMW కొత్త బైక్ లాంచ్.. 1170cc ఇంజిన్, 109hp పవర్, ఆఫ్రోడ్ ఫీచర్లు!
-
Dulquer Salmaan: దుల్కర్ సడెన్ సర్ప్రైజ్.. కొత్త సినిమా టైటిల్ ఇదేనట!
ట్రెండింగ్
-
Glenn Phillips Record: మూడు ఫార్మాట్లు, ఒకే ప్రత్యర్థి, ఒకే ఏడాది.. చరిత్ర సృష్టించిన గ్లెన్ ఫిలిప్స్!
-
Glenn Phillips Record: మరో 6 పరుగులే.. అంతర్జాతీయ క్రికెట్లోనే మొదటి ఆటగాడిగా ఫిలిప్స్ చరిత్ర!
-
MS Dhoni Retirement: ఆడాలని ఎంతో ప్రయత్నించాడు కానీ.. ఎంఎస్ ధోనీ రిటైర్మెంట్పై రైనా కీలక వ్యాఖ్యలు!
-
150 కి.మీ. రేంజ్, బ్యాటరీ స్వాపింగ్ సదుపాయంతో భారత్లోకి VinFast ఎలక్ట్రిక్ స్కూటర్లు..!
-
370 కి.మీ. రేంజ్, 10 అంగుళాల టచ్స్క్రీన్తో భారత్లోకి రానున్న VinFast VF5 ఫేస్లిఫ్ట్..!