Director Mysskin: హిట్ పడితే డైరెక్టర్ కి తలపొగరు ఎక్కువవుతుంది

ఒక డైరెక్టర్ కి హిట్ పడితే పొగరు ఎక్కువ అవుతుందని కోలీవుడ్ డైరెక్టర్ మిస్కిన్ అనడం ప్రస్తుతం కోలీవుడ్ లో సంచలనం రేపుతోంది. సస్పెన్స్ థ్రిల్లర్ చిత్రాలకు బెంచ్ మార్క్ అయిన మిస్కిన్ తాజాగా జరిగిన ‘సెల్ఫీ’ ఆడియో విడుదల కార్యక్రమంలో పాల్గొన్నారు. ఈ సందర్భంగా ఆయన మాట్లాడుతూ ” సినిమా రంగానికి వచ్చే కొత్త దర్శకులు తమ మొదటి సినిమా హిట్ అవ్వగానే వారి ఆలోచన మారిపోతుంది. తమ తదుపరి చిత్రంతో ఈ ప్రపంచాన్నే మార్చేయొచ్చు అనుకుంటారు. వారికి ఆ పొగరు తలకెక్కుతుంది. అలాంటి ఆలోచన రాకూడదు. అది తప్పు. మొదట్లో నేను కూడా అలాగే అనుకున్నాను. ఆ తర్వాత వాస్తవాన్ని గ్రహించాను.

ఇక కెరీర్ మొదట్లో మనమీద వచ్చే గాసిప్స్ పట్టించుకోకూడదు. ఎప్పుడు మంచి విషయాల గురించే చర్చించాలి. అలా మాట్లాడుతూ హిట్ అందుకున్న దర్శకుడు వెట్రి మారన్. ఇప్పుడు ఆయన శిష్యుడు ఈ సినిమాతో డైరెక్టర్ గా మారుతున్నాడు. అతడు కూడా ఈ విషయాలను గుర్తుపెట్టుకొని విజయాలను అందుకోవాలని కోరుకుంటున్నాను” అంటూ చెప్పుకొచ్చారు. ప్రస్తుతం మిస్కిన్ మాటలు నెట్టింట వైరల్ గా మారాయి.