Raja Saab Release: మన చేతుల్లో ఏం లేదు.. మీరు గట్టిగా అనుకున్న డేటుకే రిలీజ్!

ప్రభాస్ హీరోగా నటిస్తున్న సినిమాలలో రాజా సాబ్ సినిమా కూడా ఒకటి. మారుతీ దర్శకత్వంలో తెరకెక్కుతున్న ఈ సినిమాని పీపుల్స్ మీడియా ఫ్యాక్టరీ బ్యానర్ మీద టీజీ విశ్వప్రసాద్, వివేక్ కూచిభొట్ల నిర్మిస్తున్నారు. నిజానికి ఈ సినిమా షూటింగ్ ఎప్పుడో మొదలైంది కానీ ఆ విషయాన్ని చాలా గోప్యంగా ఉంచుతూ వచ్చారు. ఈ మధ్య సంక్రాంతి సందర్భంగా ఈ సినిమా టైటిల్ రివీల్ చేస్తూ ప్రభాస్ కు సంబంధించిన ఒక లుక్కు కూడా రిలీజ్ చేశారు. అది తప్ప సినిమాకి సంబంధించి ఎలాంటి అధికారిక సమాచారం లేదు, అయితే ఈ సినిమా ఎప్పుడు రిలీజ్ అవుతుందనే విషయం మీద మారుతి కొన్ని ఆసక్తికరమైన వ్యాఖ్యలు చేశారు. మారుతీ స్వయంగా ఒక తమిళ సినిమా అని తెలుగులో డబ్బింగ్ చేసి రిలీజ్ చేస్తున్నారు. ట్రూ లవర్ అనే పేరుతో ఈ సినిమా రిలీజ్ అవుతున్న నేపథ్యంలో ఈరోజు టీజర్ లాంచ్ ఈవెంట్ ప్రసాద్ ల్యాబ్స్ లో నిర్వహించారు. ఈ సందర్భంగా మారుతికి రాజ్యసభ సినిమాకి సంబంధించి ప్రశ్న ఎదురైంది..

Also Read; True lover : “ట్రూ లవర్”గా మారిన “గుడ్ నైట్” హీరో.. మరో బేబీ లోడింగ్

నిజానికి ముందుగానే మీడియాకు ఈ సినిమా గురించి ఎలాంటి ప్రశ్నలు అడగవద్దు అని మారుతి కోరినా సరే మీడియా అదే ప్రశ్న అడగడం గమనార్హం. ఈ సినిమా ఎప్పుడు రిలీజ్ అవుతుంది అని అడిగితే మన చేతుల్లో ఏం లేదు అది వచ్చినప్పుడు వస్తుంది అని ఆయన సమాధానం ఇచ్చారు. పక్కనే ఉన్న ఎస్కేఎన్ ఉద్దేశిస్తూ క్రియేటివ్ ప్రొడ్యూసర్ కి ఏమైనా తెలుసా అంటే ఇవన్నీ కాదు ముందుగా ట్రూ లవర్ సినిమా గురించి మాట్లాడుకుందాం అని మారుతి దాటవేసే ప్రయత్నం చేశారు. అయితే కచ్చితంగా మీ అందరికీ నచ్చే డేట్ న రాజా సాబ్ రిలీజ్ అవుతుందని చెప్పుకొచ్చారు. మీ అందరూ ఈ డేట్ అయితే బాగుంటుంది ఇప్పుడు రిలీజ్ చేస్తే బాగుంటుంది అనుకున్నప్పుడే తమ సినిమా వస్తుందని ఆయన అన్నారు. అంతేకాక మా సినిమా కంటే ముందు ప్రభాస్ గారిది ఒక పెద్ద సినిమా వస్తోంది దాని గురించి ఎక్కువ మాట్లాడుకోవాలి తర్వాత మా సినిమా గురించి మాట్లాడుకోవాలి మా సినిమాకి ఇంకా టైం ఉందనీ వచ్చేటప్పుడు ఖచ్చితంగా మీ అందరికీ చెప్పే వస్తాం అని మారుతి చెప్పుకొచ్చారు.