Lokesh Kanagaraj injured during leo promotions: విజయ్ హీరోగా లోకేష్ కనగరాజ్ డైరెక్షన్లో లియో అనే సినిమా తెరకెక్కిన సంగతి తెలిసిందే. దసరా సందర్భంగా ఈ సినిమాను తమిళ, తెలుగు, మలయాళ, కన్నడ, హిందీ భాషల్లో రిలీజ్ చేశారు. తెలుగు, తమిళ్ లో డివైడ్ టాక్ వచ్చినా వసూళ్ళ విషయంలో మాత్రం సినిమా దూసుకుపోతోంది. ఇక ప్రమోషన్స్ లో భాగంగా లోకేష్ కనగరాజ్ అండ్ మూవీ టీమ్ ఈరోజు కేరళ వెళ్ళింది. ఈ క్రమంలో కేరళలోని పాలక్కాడ్ లో ఒక మాల్ కి వెళ్లిన లోకేష్ కనగరాజ్ గాయపడినట్టు వెల్లడించారు. లియో సినిమా ప్రమోషన్ కోసం కేరళ వచ్చిన దర్శకుడు లోకేష్ కనకరాజ్ గాయపడ్డారు. లోకేష్ కాలికి గాయం కావడంతో ప్రమోషన్స్ అర్దాంతరంగా నిలిపివేసి చెన్నైకి తిరిగి వెళ్ళిపోయాడు. కేరళలో ఇతర ప్రచార కార్యక్రమాలను రద్దు చేసినట్లు తెలుస్తోంది. ఇక లోకేష్ కాలికి పాలక్కాడ్లోని అరోమా థియేటర్లో గాయం అయినట్టు తెలుస్తోంది. లియో ప్రమోషన్లో భాగంగా లోకేష్ కనగరాజ్ ఈ ఉదయం కేరళ చేరుకున్నారు. పాలక్కాడ్లోని అరోమా థియేటర్కి వచ్చిన దర్శకుడిని చూసేందుకు వందలాది మంది అభిమానులు తరలివచ్చారు.
The Great Indian Suicide: ఆహాలో హాఫ్ సెంచరీ కొట్టేసిన ది గ్రేట్ ఇండియన్ సూసైడ్
సినిమాను మలయాళంలో రిలీజ్ చేసిన గోకులం మూవీస్ సంస్థ పూర్తి భద్రతా వ్యవస్థలను సిద్ధం చేసినప్పటికీ.. థియేటర్లో లోకేష్ను చూసేందుకు జనం ఎగబడడంతో స్వల్ప తొక్కిసలాట జరిగి లోకేశ్కు గాయాలయ్యాయి. నిబంధనలు ఉల్లంఘించిన వారిని అదుపు చేసేందుకు పోలీసులు లాఠీచార్జి సైతం చేశారు. ఇక ఈ క్రమంలో ఈరోజు జరగాల్సిన త్రిస్సూర్ రాగం థియేటర్, కొచ్చి కవితా థియేటర్ ఈవెంట్లు రద్దు చేయబడ్డాయి. కొచ్చిలో జరగాల్సిన ప్రెస్మీట్ను మరో రోజు నిర్వహించనున్నట్లు లోకేష్ సోషల్ మీడియా వేదికగా తెలియజేశారు. ఈరోజు కూడా సెలవు కావడంతో హౌస్ఫుల్ షోలతో లియో రికార్డు కలెక్షన్లను రాబట్టుకుంటూనే ఉంది. అనిరుధ్ రవిచందర్ స్వరపరిచిన లియోలో సంజయ్ దత్, అర్జున్ సర్జా, గౌతమ్ మీనన్, మిష్కిన్, మాథ్యూ థామస్, మన్సూర్ అలీఖాన్, ప్రియా ఆనంద్, శాండీ, జనని, అభిరామి వెంకటాచలం, బాబు ఆంటోని ఇతర ముఖ్యమైన పాత్రల్లో కనిపించారు. సెవెన్ స్క్రీన్ స్టూడియో మరియు ది రూట్ బ్యానర్లపై లలిత్ కుమార్, జగదీష్ పళనిసామి నిర్మించారు. గోకులం గోపాలన్ కేరళలో శ్రీ గోకులం మూవీస్ పంపిణీ హక్కులను సొంతం చేసుకున్నారు.
Thank you Kerala for your love.. Overwhelmed, happy and grateful to see you all in Palakkad. ❤️
Due to a small injury in the crowd, I couldn’t make it to the other two venues and the press meeting. I would certainly come back to meet you all in Kerala again soon. Till then… pic.twitter.com/JGrrJ6D1r3
— Lokesh Kanagaraj (@Dir_Lokesh) October 24, 2023
