Dimple Hayathi: టాలీవుడ్ హీరోయిన్ డింపుల్ హయతి వివాదం గురించి అందరికి తెల్సిందే. ట్రాఫిక్ డీసీపీ రాహుల్ హెగ్డే కు డింపుల్ కు మధ్య మొదలైన కారు పార్కింగ్ గొడవ రోజు రోజుకు వివాదస్పదమవుతుంది. డింపుల్, రాహుల్ ఒకే అపార్ట్మెంట్ లో ఉంటున్నారు. రాహుల్ హెగ్డే అధికారిక వాహనాన్ని పార్కింగ్ ఏరియాలో ఆమె కాలితో తన్నిందని రాహుల్ డ్రైవర్ చేతన్ కుమార్ పోలీసులకు ఫిర్యాదు చేశాడు. ప్రభుత్వ ఆస్తుల ధ్వంసం కింద డింపుల్పై 353, 341, 279 సెక్షన్ల కింద కేసు నమోదు చేశారు. అయితే డింపుల్ తాను కారును తన్నలేదని, రాహుల్ కావాలనే తన మీద తప్పుడు కేసులు పెట్టి ఇరికిస్తున్నాడని చెప్పుకొచ్చింది. అంతేకాకుండా రాహుల్ పై తాను న్యాయపోరాటానికి దిగుతున్నట్లు కూడా చెప్పింది. అధికారం ఉంటే ఏదైనా చేయొచ్చు అనుకుంటే కుదరదని న్యాయంఎప్పుడు నిజాయితీగా ఉన్నవారి వెంటే ఉంటుందని తెలిపింది. ఇక రాహుల్ సైతం.. డింపుల్ ను తప్పుపడుతూ మాట్లాడాడు. ఆమెకు ఇది మొదటిసారి కాదని, తన పార్కింగ్ ప్లేస్ లో కారు పక్కకు పెట్టమని చాలాసార్లు మర్యాదగా చెప్పానని, ఆమె తన డ్రైవర్ తో ఇష్టానుసారం మాట్లాడిందని తెలిపాడు. ఇక ఈ కేసుపై తాజాగా డింపుల్ లాయర్ మాట్లాడాడు. డీసీపీ వలన డింపుల్ కు ప్రాణహాని ఉందని ఆయన తెలపడం సోషల్ మీడియాను షేక్ చేస్తుంది.
Bride Cancel Marriage: ప్రేమ పెళ్లి చేసుకుంది.. వెంటనే తాళి తీసి వెళ్లిపోయింది.. అసలేమైంది?
డింపుల్ మీద పెట్టిన ఎఫ్ ఐ ఆర్ కాపీని ఇప్పుడే మా దగ్గరకు వచ్చింది. అందులో కారు కవర్ తీసినట్లు రాసి ఉంది. ఆ కవర్ తీసినట్లు మాకు ఆధారాలు చూపించమని మేము అడుగుతున్నాం. అసలు ప్రభుత్వ వాహనాలకు కవర్ లు ఇస్తారా..? ఇదంతా డీసీపీ చేయిస్తున్న నాటకం. అందులో డ్రైవర్ ను వాడుకుంటున్నాడు. రాహుల్.. డింపుల్ తో మిస్ బిహేవ్ చేశాడు. ప్రస్తుతం ఆమె ఈ గొడవ వలన చాలా డిప్రెషన్ కు గురైంది. ఆమె ఇంటి చుట్టూ ఎవరెవరో తచ్చాడుతున్నారని చెప్పుకొస్తున్నది. డింపుల్ కు ప్రాణహాని ఉంది. గుర్తుతెలియని వారు కాల్స్ చేసి బెదిరిస్తున్నారు” అంటూ డింపుల్ లాయర్ పాల్ సత్యనారాయణ తెలిపాడు. ప్రస్తుతం ఈ వ్యాఖ్యలు నెట్టింట వైరల్ గా మారాయి.
