Dhruva Natchathiram: ‘ధ్రువ నక్షత్రం’ సినిమా కష్టాలు తీరేది ఆరోజే!

Dhruva Natchathiram release date details: చియాన్ విక్రమ్ – గౌతమ్ మీనన్‌లు కలిసి చేసిన ధృవ నక్షత్రం సినిమా అనేక సినిమాల కష్టాలు పడుతోంది. చియాన్ విక్రమ్ హీరోగా గౌతమ్ వాసుదేవ మీనన్ దర్శకత్వంలో రూపొందిన ‘ధృవ నక్షత్రం’ సినిమా వాయిదాల పర్వం అనంతరం డిసెంబర్ 24న రిలీజ్ కి విడుదలకు సిద్ధమైంది. అయితే ఆ రోజు కూడా ఈ సినిమా విడుదల కావడం లేదని తెల్లవారు జామున 3 గంటల సమయంలో సోషల్ మీడియా ద్వారా గౌతమ్ మీనన్ ప్రకటించారు. ‘ధృవ నక్షత్రం’ సినిమాను విడుదల చేయలేకపోతున్నామని.. విడుదలకు మరో ఒకటి రెండు రోజులు పట్టొచ్చని, అందుకే తనను క్షమించాలని గౌతమ్ మీనన్ వెల్లడించారు. ఎట్టకేలకు ధృవ నక్షత్రం విడుదల తేదీ వివరాలు బయటకు వచ్చినట్లు కనిపిస్తోంది.

MLA Dharma Reddy: ఫలించిన బీఆర్‌ఎస్‌ ప్రభుత్వ కృషి.. ప్రతి రైతుకూ రైతుబంధు..

కోలీవుడ్ సర్కిల్స్‌లో లేటెస్ట్ బజ్ ఏమిటంటే, దర్శకుడు గౌతమ్ మీనన్ నవంబర్ 28 నాటికి ఫైనాన్షియల్స్ అన్నీ క్లియర్ చేసి సమస్య పరిష్కరించే అవకాశం ఉంది, ఈ సినిమాను నవంబర్ 30 న థియేటర్లలో విడుదల చేయనున్నారని అంటున్నారు. నిజానికి గౌతమ్ మీనన్ ధ్రువ నక్షత్రం చాలాసార్లు వాయిదా పడింది. ఈ చిత్రం 2017లో సెట్స్‌పైకి వెళ్లింది కానీ ఈరోజుకి కూడా ఇంకా విడుదల కాలేదు. అనుకున్న సమయానికి సినిమాను విడుదల చేయలేకపోయినందుకు గౌతమ్ అభిమానులకు ఎమోషనల్ గా క్షమాపణలు చెప్పారు. పార్తిబన్, ఐశ్వర్య రాజేష్, సిమ్రాన్, రాధిక, అర్జున్ దాస్ మరియు దివ్యదర్శిని కీలక పాత్రలు పోషిస్తున్న ఈ సినిమాలో రీతు వర్మ విక్రమ్ సరసన హీరోయిన్ పాత్రను పోషించారు. హారిస్ జయరాజ్ ఈ సినిమాకి సంగీత దర్శకుడు. ఒండ్రాగా ఎంటర్‌టైన్‌మెంట్, కొండడువోం ఎంటర్‌టైన్‌మెంట్, ఎస్కేప్ ఆర్టిస్ట్స్ మోషన్ పిక్చర్స్ కలిసి ధృవ నచ్చతిరమ్‌ని నిర్మించాయి.