యంగ్ టైగర్ ఎన్టీఆర్, కొరటాల శివ కలిసి పాన్ ఇండియా బాక్సాఫీస్ ని రిపేర్ చేయడానికి ‘దేవర’ సినిమాని సిద్ధం చేస్తున్నారు. 2024 ఏప్రిల్ 5న రిలీజ్ కానున్న ఈ మూవీ ఫస్ట్ పార్ట్ శరవేగంగా షూటింగ్ జరుపుకుంటుంది. జాన్వీ కపూర్ హీరోయిన్ గా, సైఫ్ అలీ ఖాన్ విలన్ గా నటిస్తున్న దేవర ఎక్కువగా సముద్రం బ్యాక్ డ్రాప్ లో షూటింగ్ జరుపుకుంటుంది. మోషన్ పోస్టర్, ఫస్ట్ లుక్ ని మాత్రమే రిలీజ్ చేసి కొరటాల శివ సైలెంట్ గా దేవర సినిమా షూటింగ్ ని చేసేస్తున్నాడు. ఏప్రిల్ రిలీజ్ అంటే ప్రమోషన్స్ ని స్టార్ట్ చెయ్యాలనే ప్లాన్ తో దేవర సినిమా నుంచి నెక్స్ట్ ప్రమోషనల్ కంటెంట్ ని చిత్ర యూనిట్ రెడీ చేస్తోంది.
దేవర నుంచి నెక్స్ట్ వచ్చే అప్డేట్ టీజర్ అనే నమ్మకంతో ఎన్టీఆర్ ఫ్యాన్స్ ఉన్నారు. గ్లిమ్ప్స్ కూడా లేకుండా డైరెక్ట్ గా టీజర్ ని రిలీజ్ చేసి దేవర ప్రమోషన్స్ ని సూపర్ కిక్ ఇవ్వాలని మేకర్స్ ప్లాన్ చేస్తున్నట్లు ఉన్నారు. దేవర టీజర్ డిసెంబర్ 25న కానీ జనవరి 1 నుంచి కానీ బయటకి వస్తుంది అనే టాక్ ఉంది. సోషల్ మీడియాలో టీజర్ టాక్ రోజు రోజుకి పెడుతూనే ఉంది. లేటెస్ట్ గా దేవర టీజర్ ని సలార్ సినిమా, డంకీ సినిమాలతో పాటు థియేటర్స్ లో చూడొచ్చు అనే కామెంట్స్ వినిపిస్తున్నాయి. ఇందులో నిజమెంత అనేది తెలియదు కానీ ఒకవేళ నిజమైతే మాత్రం దేవర సినిమాకి సాలిడ్ రీచ్ దొరికేసినట్లే. ఓవర్సీస్ లో డంకీ సినిమాకి, ఇండియాలో సలార్ సినిమాకి సాలిడ్ బజ్ ఉంది కాబట్టి ఈ సినిమాలకి పాటు దేవర టీజర్ అటాచ్ చేస్తే బాగుంటుంది. మరి సోషల్ మీడియాలో వినిపిస్తున్న ఈ వార్త ఎంతవరకు నిజమనేది తెలియాల్సి ఉంది.