Dear Nanna Releasing On June 14: 30 వెడ్స్ 21 ఫేమ్ చైతన్యరావు, సూర్య ప్రధాన పాత్రల్లో నటిస్తున్న చిత్రం ‘డియర్ నాన్న’ (Dear Nanna). ఫాదర్ అండ్‌ సన్‌ సెంటిమెంట్‌తో రూపొందిన ఎన్నో చిత్రాలు తెలుగు ప్రేక్షకుల హృదయాలను హత్తుకున్నాయి. ఇక అదే నేపథ్యంతో రూపొందిన ‘డియర్ నాన్న’ విడుదలకు సిద్ధమైంది. ఈ చిత్రానికి సంతోశ్‌ కంభంపాటి దర్శకత్వం వహించారు. ఫాద‌ర్స్ డే సందర్భంగా జూన్ 14 నుంచి ఆహా ఓటీటీలో ఈ మూవీ స్ట్రీమింగ్ కాబోతోంది. ఈ సందర్భంగా ట్రైలర్‌ని చిత్రబృందం బుధవారం విడుదల చేసింది. మెడికల్ షాపుల గొప్పదనాన్ని తండ్రి కొడుకుల మధ్య అనుభంధం తెలియజేసేలా ఈ చిత్రాన్ని రూపొందించినట్టు ట్రైలర్ చూస్తే అర్థమవుతోంది. తండ్రి పాత్రలో సూర్య, కుమారుడిగా చైతన్యరావు ఆకట్టుకున్నారు.
Also Read: Ajay Ghosh: నా సినిమా నచ్చక పోతే ఫోన్ చేసి బూతులు తిట్టండి.. లైవ్ లో నెంబర్ ఇచ్చిన స్టార్ యాక్టర్
ఇక ఈ సినిమా కథ విషయానికి వస్తే ఓ మెడికల్ షాప్‌ను ర‌న్ చేసే వ్య‌క్తి త‌న కొడుకును కూడా ఫార్మ‌సిస్ట్‌గానే చూడాల‌ని కోరుకుంటాడు. తాను ర‌న్ చేసే మెడికల్ షాప్ బాధ్య‌త‌ల‌ను కొడుకుకు అప్ప‌గించాల‌ని నిర్ణ‌యించుకుంటాడు. మెడికల్ షాప్ ఓన‌ర్‌ కొడుకు మాత్రం చెఫ్ కావాల‌ని క‌ల‌లు కంటాడు. భిన్న మ‌న‌స్త‌త్వాలు, ఆలోచ‌న‌ల కార‌ణంగా తండ్రి, కొడుకుల మధ్య ఎలా దూరం పెరిగింది? తండ్రి కోరిక‌ను కొడుకు నెర‌వేర్చాడా? కొడుకు క‌ల‌ల‌నుతండ్రి అర్థం చేసుకున్నాడా? అనే పాయింట్‌తో డియర్ నాన్న మూవీ తెర‌కెక్కింది. ఈ మూవీలో చైత‌న్య‌రావుతో పాటు సీనియ‌ర్ యాక్టర్ సూర్య కీల‌క పాత్రలో క‌నిపించ‌బోతున్నాడు. ప్రేమ, జీవితం, వార‌స‌త్వం అనే అంశాల చుట్టూ సాగే సెంటిమెంట్ మూవీ ఇద‌ని, తండ్రీ కొడుకుల ఎమోష‌న్స్‌తో హార్ట్ ట‌చింగ్‌గా ఉంటుంద‌ని మేక‌ర్స్ చెబుతోన్నారు.