Ram Charan: మెగా ఫ్యాన్స్ ను బెంబేలేత్తిస్తున్న న్యూస్.. చరణ్ కు నత్తా..?

Ram Charan: మెగా పవర్ స్టార్ రామ్ చరణ్ ప్రస్తుతం వరుస పాన్ ఇండియా సినిమాలు చేస్తున్న విషయం తెల్సిందే. ప్రస్తుతం చరణ్- శంకర్ దర్శకత్వంలో RC15 చిత్రంలో నటిస్తున్నాడు. దిల్ రాజు ప్రతిష్టాత్మకంగా నిర్మిస్తున్న ఈ చిత్రంలో చరణ్ సరసన కియారా అద్వానీ నటిస్తోంది. ప్రస్తుతం శరవేగంగా షూటింగ్ జరుపుకుంటున్న ఈ చిత్రంలో చరణ్ రెండు విభిన్నమైన పాత్రల్లో కనిపించనున్నాడు. ఒకటి గ్రామీణ యువకుడి పాత్ర కాగా.. మరొకటి అధికారి పాత్ర. అయితే తాజాగా ఈ సినిమా గురించిన ఒక వార్త మెగా ఫ్యాన్స్ ను బెంబేలెత్తిస్తోంది.

అదేంటంటే.. ఫ్లాష్ బ్యాక్ లో వచ్చే చరణ్ కు నత్తి ఉంటుందట.. ఏదైనా గట్టిగా మాట్లాడేటప్పుడు చరణ్ కు నత్తి వస్తుందని, దాని వలన కామెడీ పండుతుందని చెప్పుకొస్తున్నారు. ఈ పాత్ర కోసం శంకర్ ప్రత్యేకంగా దృష్టి సారించారని సమాచారం. ఈ ఒక్క వార్తతో అభిమానులు దడుచుకుంటున్నారు. చరణ్ కు ఇలాంటి పాత్రలు కొత్తేమి కాదు.. రంగస్థలంలో చెవిటి వాడిగా కనిపించి మెప్పించాడు. అయితే నత్తి అనగానే లైగర్ సినిమా గుర్తుకు వచ్చేస్తోంది అంటున్నారు అభిమానులు.విజయ్ దేవరకొండ నత్తితో మాట్లాడడం చూశాక.. అసలు నత్తి అన్న పదం వింటుంటూనే భయమేస్తోంది, అలాంటి పాత్రలో చరణ్ కనిపిస్తే తట్టుకోలేమని అభిమానులు చెప్పుకొస్తున్నారు. మరి ఈ వార్తలో నిజమెంత అనేది తెలియాల్సి ఉంది.