Swathi: తన సినిమా దర్శకుడిని సైలెంటుగా రెండో పెళ్లి చేసుకున్న హీరోయిన్

కలర్స్ స్వాతి అంటే తెలియని తెలుగువారు ఉండరు. అంతగా ఒక యాంకర్ గా తెలుగు వారికి దగ్గరైన స్వాతి, తర్వాత కాలంలో హీరోయిన్ గా ఒక వెలుగు వెలిగింది. అయితే, 2018లో తాను ప్రేమించిన కేరళకు చెందిన వికాస్ వాసు అనే పైలట్ ని పెళ్లి చేసుకుని ఆమె ఇండస్ట్రీకి దూరమైంది.

అయితే, కొంతకాలానికి ఆమె ‘మంత్ ఆఫ్ మధు’ అనే సినిమాతో రీఎంట్రీ ఇచ్చింది. ఆ సినిమా ప్రమోషన్ టైమ్ లోనే ఆమె భర్తతో విడిపోతున్నారని ప్రచారం తెరమీదకు వచ్చింది. అయితే, ఆ విషయం మీద స్పందించడానికి స్వాతి అప్పుడు నిరాకరించింది.

అయితే, ఆసక్తికరమైన విషయం ఏమిటంటే… ఆ సినిమా దర్శకుడితోనే ఇప్పుడు స్వాతి రెండోసారి వివాహం చేసుకుంది. ఈ విషయాన్ని ఆమె తన సోషల్ మీడియా వేదికగా ప్రకటించింది. “పెళ్లి చేసుకున్నాం” అంటూ ఆ సినిమా దర్శకుడు శ్రీకాంత్ నాగోతిని ట్యాగ్ చేస్తూ ఫొటోస్ పెట్టింది. దీంతో, తన సినిమాను డైరెక్ట్ చేసిన దర్శకుడిని పెళ్లి చేసుకున్న హీరోయిన్స్ లిస్టులో ఈమె కూడా జాయిన్ అయిందని చెప్పొచ్చు. గతంలో అలా చాలామంది హీరోయిన్లు తమను డైరెక్ట్ చేసిన దర్శకులను వివాహం చేసుకున్నారు.