ఈ ఏడాది బాలీవుడ్ యాంటిసిపెటెడ్ చిత్రాల్లో ఒకటి దేవా. షాహీద్ కపూర్, పూజా హెగ్డే హీరోహీరోయిన్లుగా నటించిన ఈ చిత్రంలో షాహీద్ పోలీసాఫీసర్ పాత్రలో పూజా హెగ్డే జర్నలిస్టుగా కనిపించబోతున్నారు. టాలీవుడ్ దర్శకుడు సందీప్ రెడ్డి వంగా కబీర్ సింగ్ తో ఇచ్చిన కల్ట్ హీరో ఇమేజ్ ఇవ్వడంతో మరోసారి ఆ క్రేజ్ నిలబెట్టుకునేందుకు సౌత్ దర్శకుడికి అవకాశమిచ్చాడు. దేవాకు మలయాళ స్టార్ డైరెక్టర్ రోషన్ ఆండ్రూస్ వర్క్ చేస్తున్నాడు. ఫక్తు యాక్షన్ ఎంటర్ టైనర్ గా వస్తున్న ఈ మూవీపై ఆశలు పెట్టుకున్నాడు షాహీద్. కబీర్ సింగ్ ఛాయలు ఈ సినిమాలో లేవంటోన్న షాహీద్ ను 6 ఏళ్ల నుండి బిగ్ టార్గెట్ ఊరిస్తోంది. అదే కబీర్ సింగ్ కలెక్షన్స్ కొల్లగొట్టడం.
Also Read : AkankshaSharma : టాలీవుడ్ లో అడుగుపెట్టిన కన్నడ బ్యూటీ
లవర్ బాయ్ నుండి కల్ట్ హీరోగా మార్చేసింది కబీర్ సింగ్. అర్జున్ రెడ్డి రీమేక్ వర్షన్ రీలోడ్ చేసి నార్త్ ఆడియన్స్ కు టేస్ట్ ను మార్చేశాడు సందీప్ రెడ్డి వంగా. విమర్శలు వచ్చినప్పటికీ హీరోగా షాహీద్ కపూర్ కెరీర్లో హయ్యెస్ట్ గ్రాసర్ మూవీగా నిలిచింది. 2019లో వచ్చిన ఈ సినిమా రూ. 370 కోట్లను కొల్లగొట్టింది. పద్మావత్ తో రూ. 500 కోట్లు చూసిన ఆ క్రెడిట్ దీపికా ఖాతాలోకి వెళుతుంది. జెర్సీ ఫట్టైతే తేరీ బాతోన్ మే ఐసా ఉల్జా జియా రూ, 150 కోట్ల దగ్గర ఆగిపోయింది. ఇప్పుడు దేవా కబీర్ సింగ్ కలెక్షన్లను కొల్లగొట్టాల్సిన తరుణం. మరి ఈ రోజు విడుదలైన ‘దేవ’ సినిమాతో ఈ మలయాళ దర్శకుడు షాహీద్ కు కబీర్ సింగ్ అంతటి హిట్ ఇస్తాడో లేదో ఈ వారం ఆగితే తెలుస్తుంది.