‘విక్రాంత్ రోణ’ జాక్విలిన్ మోషన్ పోస్టర్ రిలీజ్
- Follow Us :
-
-
Add as a preferred
source on google
ఈ మధ్య కాలంలో అత్యంత కాస్ట్లియస్ట్ స్పెషల్ సాంగ్ ఏదైనా ఉందంటే అది కిచ్చా సుదీప్ ‘విక్రాంత్ రోణ’లో జాక్విలిన్ ఫెర్నాండెజ్ పై చిత్రీకరించిందే. ఈ పాట చిత్రీకరణ కోసం ఆమెను ప్రత్యేక విమానంలో షూటింగ్ స్పాట్ కు తీసుకొచ్చారు. ఆరు రోజుల పాటు పాటతో పాటు కొన్ని సన్నివేశాలను చిత్రీకరించారు. ఈ పాటలో హీరో సుదీప్, జాక్విలిన్ తో పాటు 300 డాన్సర్స్ పాల్గొన్నారు. జానీ మాస్టర్ కొరియోగ్రఫీ అందించిన ఈ పాట కోసం నిర్మాత జాక్ మంజునాథ్ దాదాపు ఐదు కోట్ల రూపాయలు ఖర్చు చేశారు. భారీ సెట్స్ ను నిర్మించారు. ఈ యాక్షన్ అడ్వెంచరస్ మూవీలో భాగం కావడం పట్ల జాక్విలిన్ హర్షం వ్యక్తం చేసింది. శనివారం సుదీప్, జాక్విలిన్ పాటకు సంబంధించిన పోస్టర్ తో పాటు మోస్టర్ పోస్టర్ నూ నిర్మాత విడుదల చేశారు.
Read Also : స్నేహితుడి మరణంతో విషాదంలో విన్ డీజిల్!
ఈ సందర్భంగా నిర్మాత జాక్ మంజునాథ్ మాట్లాడుతూ, ‘జాక్విలిన్ ఫెర్నాండేజ్ ఎంతో ప్రొఫెషనల్ గా వ్యహరించారని, ఉదయం 9 గంటల నుండి రాత్రి 9.30 వరకూ పనిచేశార’ని అన్నారు. షూటింగ్ కు వచ్చే ముందే డైలాగ్స్ ను రిహార్సిల్స్ చేసుకునే వారని, అలానే ఆమె పాత్రకు ఆమే డబ్బింగ్ చెప్పబోతున్నార’ని తెలిపారు. అతి త్వరలోనే ఈ సినిమా 14 భాషల్లో 55 దేశాలలో త్రీడీలో గ్రాండ్ గా విడుదల కాబోతోంది.