Sangeetha: కొంత కాలంగా తీవ్ర సంచలనం రేపిన విడాకుల వ్యవహారం సద్దుమణిగిన తర్వాత తమిళనాడు సీఎం విజయ్ సతీమణి సంగీత తొలిసారి బహిరంగంగా కనిపించి అందరి దృష్టిని ఆకర్షించారు. తన కుమారుడు జాసన్ సంజయ్ డైరెక్టర్‌గా పరిచయమైన సరికొత్త చిత్రం ‘సిగ్మా’ను వీక్షించేందుకు ఆమె శుక్రవారం థియేటర్‌కు వచ్చారు. వ్యక్తిగత జీవితంలో తీవ్ర ఉత్కంఠ రేపిన పరిణామాల అనంతరం ఆమె ఇలా కుటుంబంతో కలిసి మీడియా కంటపడటం కోలీవుడ్ వర్గాల్లో, రాజకీయ పక్షాల్లో హాట్ టాపిక్‌‌గా మారింది.
చెన్నైలోని ప్రముఖ కమలా థియేటర్‌లో సంగీత తన కుమారుడు జాసన్ సంజయ్, కుమార్తెతో కలిసి ‘సిగ్మా’ సినిమాను వీక్షించారు. కొడుకు తొలిసారి మెగాఫోన్ పట్టి తెరకెక్కించిన ప్రాజెక్ట్ కావడంతో తనకు సపోర్ట్‌గా నిలిచేందుకు ఆమె స్వయంగా థియేటర్‌కు వచ్చి సినిమా చూశారు. గతంలో విజయ్ నుంచి విడాకులు కోరుతూ న్యాయస్థానాన్ని ఆశ్రయించిన సంగీత, ఆ వివాదానికి తెరదించుతూ ఇటీవల ఆ పిటిషన్‌ను ఉపసంహరించుకున్న సంగతి తెలిసిందే. ఆ వివాదం సద్దుమణిగిన తర్వాత ఫస్ట్ టైం ఆమె ఇలా బయటకు రావడం సర్వత్రా ఆసక్తిని రేకెత్తించింది.
టాలీవుడ్ యంగ్ హీరో సందీప్ కిషన్, ఫరియా అబ్దుల్లా జంటగా నటించిన ‘సిగ్మా’ శుక్రవారమే ప్రేక్షకుల ముందుకు వచ్చింది. డైరెక్టర్‌గా జాసన్ సంజయ్ తొలి అడుగు వేసిన చిత్రం కావడంతో ఇండస్ట్రీలో మంచి బజ్ ఏర్పడింది. ఈ సందర్భంలో తల్లిగా కొడుకు సినిమాను చూసి ప్రోత్సహించేందుకు సంగీత థియేటర్‌కు రావడం, అక్కడ ఆమె చిరునవ్వులతో కనిపించడం అభిమానులను విశేషంగా ఆకట్టుకుంది. ప్రస్తుతం థియేటర్ వద్ద సంగీత కనిపించిన దృశ్యాలు సోషల్ మీడియాలో వైరల్‌గా మారాయి.
#JasonSanjay and his mother, #Sangeetha, share a proud moment as they attend the first-day-first-show of Sanjay's debut directorial film, #Sigma. pic.twitter.com/hGfICHTzzK
— Chennai Times (@ChennaiTimesTOI) October 2, 2026