Vijay Sethupathi Birthday: పండగ కబురు.. ‘పూరి-సేతుపతి’ ఫస్ట్ లుక్, టైటిల్‌కు ముహూర్తం ఫిక్స్!

‘మక్కల్‌సెల్వన్‌’ విజయ్ సేతుపతి అభిమానులకు సంక్రాంతి పండగ కబురు. దర్శకుడు పూరి జగన్నాథ్, విజయ్ సేతుపతి కాంబినేషన్‌లో రూపొందుతున్న చిత్రం నుంచి కీలక అప్డేట్ వచ్చింది. అందరూ ఎంతో ఆసక్తిగా ఎదురుచూస్తున్న ‘పూరి-సేతుపతి’ సినిమా ఫస్ట్ లుక్‌తో పాటు టైటిల్‌ను విజయ్ పుట్టినరోజు సందర్భంగ జనవరి 16 ఉదయం 11 గంటలకు విడుదల చేయనున్నట్లు చిత్రబృందం అధికారికంగా ప్రకటించింది. సంక్రాంతి పండగ సందర్భంగా ఈ అనౌన్స్‌మెంట్ రావడం అభిమానుల్లో మరింత ఉత్సాహాన్ని నింపుతోంది.

మాస్ ఎంటర్‌టైనర్‌లకు పెట్టింది పేరైన పూరి జగన్నాథ్ దర్శకత్వంలో, విజయ్ సేతుపతి కథానాయకుడిగా నటిస్తున్న ఈ ప్రాజెక్ట్‌పై మొదటి నుంచే భారీ అంచనాలు నెలకొన్నాయి. ఈ కాంబినేషన్ తొలిసారి రాబోతుండటంతో సినీ వర్గాల్లోనూ ఆసక్తి పెరిగింది. ఈ చిత్రాన్ని పూరి జగన్నాథ్‌, చార్మీ కౌర్‌, జేబీఎన్ నారాయణరావు కొండ్రొల్లా నిర్మిస్తున్నారు. చార్మీ కౌర్ సమర్పణలో పూరి కనెక్ట్స్‌, జేబీ మోషన్ పిక్చర్స్ బ్యానర్లపై ఈ సినిమా తెరకెక్కుతోంది. టెక్నికల్‌గా కూడా ఈ ప్రాజెక్ట్ భారీ స్థాయిలో ఉండనుందని సమాచారం.

Also Read: Krithi Shetty: కృతి శెట్టి.. ఆ మ్యాజిక్ రిపీట్ చేస్తుందా?

ఈ సినిమాలో విజయ్ సేతుపతితో పాటు సంయుక్త మీనన్‌, టబు, బ్రహ్మాజీ, వీటీవీ గణేష్, విష్ణు రెడ్డి కీలక పాత్రల్లో నటిస్తున్నారు. ఈ మల్టీ స్టారర్ కాస్టింగ్ సినిమాపై మరింత క్యూరియాసిటీని పెంచుతోంది. విశేషం ఏమిటంటే.. ఈ సినిమాను తమిళం, తెలుగు, హిందీ, కన్నడ, మలయాళం భాషల్లో ఒకేసారి విడుదల చేయనున్నారు. పాన్ ఇండియా స్థాయిలో ప్రేక్షకులను లక్ష్యంగా చేసుకుని రూపొందుతున్న ఈ సినిమా నుంచి రాబోయే ఫస్ట్ లుక్, టైటిల్‌పై అభిమానులు ఉత్కంఠగా ఎదురుచూస్తున్నారు.

Let’s celebrate Makkalselvan @VijaySethuOffl’s birthday with the much-awaited announcement ❤️‍🔥#PuriSethupathi First Look & Title out tomorrow, 16th January at 11 AM 💥💥💥#HappyPongal 🫶🏻

A #PuriJagannadh film 🎬@Charmmeofficial Presents 🎥
Produced by Puri Jagannadh, Charmme… pic.twitter.com/3tyoPj73oF

— Puri Connects (@PuriConnects) January 15, 2026