Mirai: మిరాయ్ కోసం మరో కుర్ర డైరెక్టర్?

తేజ సజ్జా హీరోగా కార్తీక్ ఘట్టమనేని దర్శకత్వంలో మిరాయ్ అనే సినిమా తెరకెక్కుతోంది. పీపుల్ మీడియా ఫ్యాక్టరీ సినిమాని అత్యంత ప్రతిష్టాత్మకంగా నిర్మిస్తోంది. 2025లో సినిమాని రిలీజ్ చేసేందుకు ప్రణాళికలు సిద్ధం చేస్తున్నారు. ఇక ఈ సినిమాలో కీలక పాత్ర కోసం నటుడిగా మారిన దర్శకుడు వెంకటేష్ మహాని తీసుకున్నట్లు తెలుస్తోంది. నిజానికి ఈ సినిమాకు సంబంధించిన షూటింగ్ కొద్ది రోజుల క్రితం శ్రీలంకలో జరిగింది. సుమారు పది రోజుల పాటు జరిగిన ఈ షెడ్యూల్ లో వెంకటేష్ మహా కూడా పాల్గొన్నట్టుగా తెలుస్తోంది. ఈ సినిమాలో ఆయనదే ఒక కీలకమైన పాత్ర అని తెలుస్తోంది. ఇక శ్రీలంకలో మరో ఒక లాంగ్ షెడ్యూల్ బ్యాలెన్స్ ఉండగా సినిమా యూనిట్ మరోసారి శ్రీలంక వెళ్లడానికి ప్రణాళిక సిద్ధం చేసుకుంటుంది.

Game Changer: దీపావళికి మచ్చా దిగుతున్నాడు.. గెట్ రెడీ!

ఇక శ్రీ లంకలో షూట్ ముగించుకొని నిన్నే తేజ సజ్జ హైదరాబాద్ కి తిరిగి వచ్చాడు. ఈ క్రమంలో ఎయిర్ పోర్ట్ లో తేజ సజ్జ కనిపించగా చేతికి కట్టుతో కనిపించింది. ఇక ఈ విజువల్స్ వైరల్ గా మారాయి. ఇక డూప్ లేకుండా రియల్ గా యాక్షన్ సీక్వెన్స్ లు చేస్తున్నందుకు తేజ సజ్జ ఫ్యాన్స్, పలువురు నెటిజన్లు అభినందిస్తున్నారు. హనుమాన్ లో కూడా తేజ సజ్జ డూప్ లేకుండా రియల్ యాక్షన్ సీన్స్ చేసి మెప్పించగా ఆ సినిమా వల్ల కూడా అతని కంటికి సమస్యలు వచ్చి చికిత్స చేయించుకున్నాడని చెప్పొచ్చు.