Korean Kanakaraju: వరుణ్ తేజ్ ‘కొరియన్ కనకరాజు’ రిలీజ్ డేట్ లాక్!

వరుణ్ తేజ్ కథానాయకుడిగా వైవిధ్యభరితమైన చిత్రాల దర్శకుడు మేర్లపాక గాంధీ తెరకెక్కిస్తున్న అవుట్ అండ్ అవుట్ హారర్ కామెడీ ఎంటర్‌టైనర్ ‘కొరియన్ కనకరాజు’. యూవీ క్రియేషన్స్, ఫస్ట్ ఫ్రేమ్ ఎంటర్‌టైన్‌మెంట్స్ సంయుక్తంగా ఈ చిత్రాన్ని ఎంతో ప్రతిష్టాత్మకంగా నిర్మిస్తున్నాయి. ఇప్పటికే విడుదలైన ఈ సినిమా టైటిల్ గ్లింప్స్, అలాగే కొరియన్ ఫ్లేవర్‌తో వచ్చిన ఫస్ట్ సింగిల్ ‘కమ్సహమ్నిద’ శ్రోతలను విపరీతంగా ఆకట్టుకుని సినిమాపై అంచనాలను భారీగా పెంచేశాయి. ఈ నేపథ్యంలో తాజాగా మేకర్స్ ఈ సినిమా వరల్డ్ వైడ్ రిలీజ్ డేట్‌ను అధికారికంగా ప్రకటిస్తూ ఒక పవర్‌ఫుల్ పోస్టర్‌ను వదిలారు. వచ్చే ఆగస్టు 7న ఈ చిత్రాన్ని ప్రపంచవ్యాప్తంగా థియేటర్లలో భారీ ఎత్తున విడుదల చేయబోతున్నట్లు ప్రకటించారు.

రిలీజ్ డేట్ పోస్టర్‌లో వరుణ్ తేజ్ లుక్ నెక్ట్స్ లెవెల్‌లో ఉంది. రగ్గడ్ అండ్ అల్ట్రా స్టైలిష్ అవతార్‌లో ఒక కుర్చీలో కూర్చుని.. ఒక చేతిలో రక్తం అంటిన కత్తి, మరో చేతిలో గ్రెనేడ్ పట్టుకుని ఫుల్ అటిట్యూడ్‌తో కనిపించారు. చీకటిగా ఉన్న ఒక వేర్‌హౌస్‌లో డేంజరస్ కొరియన్ గ్యాంగ్‌స్టర్స్ ఆయనను చుట్టుముట్టి ఉన్నప్పటికీ, వరుణ్ తేజ్ ఏమాత్రం భయం లేకుండా పవర్‌ఫుల్ లుక్‌తో ఇచ్చిన ఎక్స్‌ప్రెషన్ సినిమాలోని ఆయన క్యారెక్టరైజేషన్‌ను ప్రతిబింబిస్తోంది. బ్యాక్‌డ్రాప్‌లో ఉన్న నియాన్ లైటింగ్ విజువల్‌గా సినిమాను చాలా రిచ్‌గా ప్రెజెంట్ చేస్తోంది. ఈ సినిమాలో వరుణ్ తేజ్ సరసన రితికా నాయక్ హీరోయిన్‌గా నటిస్తుండగా, స్టార్ కమెడియన్ సత్య ఒక కీలకమైన పాత్రలో నవ్వులు పూయించనున్నారు. టాలీవుడ్ టాప్ టెక్నీషియన్స్ ఈ సినిమా కోసం పని చేస్తున్నారు. మ్యూజిక్ సెన్సేషన్ ఎస్. థమన్ ఈ చిత్రానికి అదిరిపోయే బాణీలు అందిస్తుండగా, మనోజ్ రెడ్డి కాటసాని సినిమాటోగ్రఫీ బాధ్యతలను నిర్వహిస్తున్నారు. కొరియన్ కల్చర్, గ్యాంగ్‌స్టర్ డ్రామాను లోకల్ కామెడీకి మిక్స్ చేసి మేర్లపాక గాంధీ మార్క్ హారర్ కామెడీ ఎలిమెంట్స్‌తో వస్తున్న ‘కొరియన్ కనకరాజు’ ఈ ఏడాది మోస్ట్ అవేటెడ్ సినిమాల్లో ఒకటిగా నిలిచింది. రిలీజ్ డేట్ ఖరారు కావడంతో ఇకపై వరుస అప్‌డేట్లతో ప్రమోషన్ల డోస్ పెంచేందుకు చిత్రయూనిట్ సన్నాహాలు చేస్తోంది.