Korean Kanakaraju: సైలెంటుగా 50 కోట్లు కొట్టిన కొరియన్ కనకరాజు

మెగా ప్రిన్స్ వరుణ్ తేజ్ హీరోగా మేర్లపాక గాంధీ దర్శకత్వంలో తెరకెక్కిన నాన్‌స్టాప్ ఎంటర్‌టైనర్ ‘కొరియన్ కనకరాజు’ (#KOKA) బాక్సాఫీస్ వద్ద సరికొత్త రికార్డులు సృష్టిస్తోంది. యూవీ క్రియేషన్స్, ఫస్ట్ ఫ్రేమ్ ఎంటర్‌టైన్‌మెంట్స్ సంయుక్తంగా నిర్మించిన ఈ చిత్రం విడుదలైన మొదటి రోజు నుంచే పాజిటివ్ టాక్‌తో థియేటర్లలో దూసుకుపోతోంది. ₹12 కోట్ల బ్రేక్ ఈవెన్ టార్గెట్‌తో బరిలోకి దిగిన ఈ చిత్రం, కేవలం 10 రోజుల్లోనే ప్రపంచవ్యాప్తంగా ₹50.30 కోట్ల గ్రాస్ కలెక్ట్ చేసి ట్రేడ్ వర్గాలను సైతం ఆశ్చర్యపరిచింది.

ప్రొడ్యూసర్ల నుంచి డిస్ట్రిబ్యూటర్లు, ఎగ్జిబిటర్లు మరియు క్యాంటీన్ ఓనర్ల వరకు ప్రతి ఒక్కరికీ కనకవర్షం కురిపిస్తూ టేబుల్ ప్రాఫిట్స్ అందించింది. వరుస సినిమాల తర్వాత వరుణ్ తేజ్‌కు ఇది కెరీర్ బెస్ట్ కమ్‌బ్యాక్ మూవీగా నిలిచింది. ఆయన టైమింగ్, కామెడీ యాంగిల్‌కు ప్రేక్షకులు ఫిదా అవుతున్నారు.  దర్శకుడు మేర్లపాక గాంధీ మార్క్ కామెడీ, ఎస్. తమన్ అదిరిపోయే బ్యాక్‌గ్రౌండ్ స్కోర్ సినిమాను మరో స్థాయికి తీసుకెళ్లడంతో నిర్మాణ సంస్థలకు ఈ విజయం సరికొత్త ఉత్సాహాన్ని ఇచ్చింది.