Tollywood : ట్రంప్ ట్యాక్స్.. ఓవర్సీస్ లో తెలుగు సినిమాకు గట్టి దెబ్బ

అమెరికాలో సినీ పరిశ్రమ నష్టాల ఊబిలోకి వెళ్తోందని, అక్కడి  స్టూడియోలు యునైటెడ్‌ స్టేట్స్‌ నుంచి ఇతర దేశాలకు తరలి వెళ్తున్నాయని అందువల్ల ఇతర దేశాలలో నిర్మించి USAలో విడుదలయ్యే సినిమాలపై  100శాతం ట్యాక్స్ విధిస్తూ వెంటనే అమలు జరిగేలా వాణిజ్య శాఖ, వాణిజ్య ప్రతినిధులకు ఆదేశాలు జారీ చేసాడు అమెరికా అధ్యక్షుడు ట్రంప్. రంగంలోకి దిగిన అధికారులు అందుకు సంబందించిన చర్యలను ముమ్మరం చేసారు.

Also Read : JR. NTR : మ్యాన్ ఆఫ్ మాస్ ఎన్టీఆర్ బర్త్ డే.. ఫ్యాన్స్ కు ‘డబుల్’ ధమాకా

కాగా ట్రంప్ తీసుకున్న ఈ నిర్ణయం ఇప్పుడు తెలుగు సినిమాపై తీవ్ర ప్రభావం చూపే అవకాశం ఉంది. తెలుగు రాష్ట్రాల తర్వాత టాలీవుడ్ కు పెద్ద మార్కెట్ అంటే అది ఓవర్సీస్ మాత్రమే. ముఖ్యంగా నార్త్ అమెరికాలో మన సినిమాలు భారీ వసూళ్లు రాబడతాయి. ఆ వసూళ్లు నిర్మాతలను భారీ నష్టాల నుండి గట్టెక్కించిన సందర్భాలు చాలానే ఉన్నాయి. నాని నటించిన లేటెస్ట్ సినిమా హిట్ 3 నార్త్ అమెరికాలో 2 మిలియన్ డాలర్స్ రాబట్టింది. కానీ ఇక నుండి ఈ నంబర్స్ కనిపించక పోవచ్చు. కేవలం అడ్వాన్స్ బుకింగ్స్ లోనే మిలియన్ డాలర్స్ రాబట్టే తెలుగు సినిమాలు ఇకనుండి మోస్తరు కలెక్షన్స్ రాబట్టొచ్చు. 100 శాతం టారిఫ్  అమలు చేస్తే టికెట్ రేట్లు భారీగా పెరిగే అవకాశం ఉంటుంది. తెలుగు స్టేట్స్ లో అధిక టికెట్ ధర కారణంగా సినిమాలకు ప్రేక్షకులు ఎంత దూరంగా ఉన్నారు అనేది చూస్తూనే ఉన్నాం. ఇక ఇదే పరిస్థితి అమెరికాలోను రావచ్చు. అలా కాకుండా ట్రంప్ అమలు చేసే సుంకాలకు అనుగుణంగా రైట్స్ తగ్గించి అమ్మితే నిర్మాతకు మేజర్ దెబ్బ పడుతుంది. పోనీ టాక్స్ లను ఓవర్సీస్ డిస్ట్రిబ్యూటర్స్ భరిద్దాం అనుకుంటే హిట్ అయితే రిటర్న్ వసూళ్లు గట్టిగానే ఉంటాయి. కానీ ప్లాప్ అయితే భారీ నష్టాలకు తోడు ట్రంప్ టాక్స్ అదనం. ఏదేమైన సరే తెలుగు సినిమాలు ఇంతకు ముందులాగా కోట్లకి కోట్లు కలెక్షన్స్ అనేవి రాబోయే రోజుల్లో చూడకపోవచ్చు. ఈ టారిఫ్ అమలైతే టాలీవుడ్‍పై ఎఫెక్ట్ ఏ స్థాయిలో ఉంటుందనేది ఇంకా క్లారిటీ కావాల్సి ఉంది. ఎంత వసూళ్లు వస్తే ఎంత టాక్స్ అనేది ఉంటుందా లేదా మరేమైనా విధానం అనేది మరికొద్ది రోజుల్లో క్లారిటీ వస్తుంది. ట్రంప్ ట్యాక్స్ ఎదుర్కోబోతున్న ఫస్ట్ మిడ్ రేంజ్ సినిమా శ్రీ విష్ణు సింగిల్. కాస్త పెద్ద సినిమా విజయ్ దేవరకొండ నటించిన ‘కింగ్డమ్’. ఈ రెండు సినిమాలను బట్టి అమెరికాలో తెలుగు సినిమా భవితవ్యం ఏంటో తెలుస్తుంది.