Trisha : అలాంటి పరిస్థితి నాకు రాకూడదు.. అందుకే పెళ్ళి వద్దు

ఇండస్ట్రీలో హీరోయిన్ల కెరీర్ ఒక్కసారి పడిపోతే తిరిగి పుంజుకోవడం చాలా కష్టం. కానీ నాలుగు పదుల వయసులోనూ వరుస సినిమాలు చేస్తూ ప్రేక్షకులను అలరిస్తుంది స్టార్ హీరోయిన్ త్రిష. కెరీర్ ఆరంభం నుండి తెలుగులో పెద్ద హిట్ లు అందుకున్న ఈ ముద్దుగుమ్మ తమిళ ఇండస్ట్రీలో దాదాపు అందరు హీరోలతో జత కట్టింది. మధ్యలో కొంత గ్యాప్ వచ్చినప్పటికి ఇప్పుడు తిరిగి ఫామ్ లోకి వచ్చింది. సీనియర్ హీరోలందరికి బెస్ట్ ఛాయిస్‌గా నిలుస్తోంది. ఇక కెరీర్ విషయం పక్కన పెడితే. త్రిష తోటి హీరోయిన్ లు అంత మంచిగా మ్యారేజ్ లైఫ్‌ని ఎంజాయ్ చేస్తున్నారు. కానీ త్రిష మాత్రం అలానే ఉంది. అయితే తాజాగా ఓ ఇంటర్వ్యూలో పాల్గొన్న ఈ అమ్మడు తన పెళ్ళి పై స్పందించింది.

Also Read:Ajith : అజిత్‎కుమార్‌కు మరోసారి తప్పిన కారు ప్రమాదం..

ఓ ఇంటర్వ్యూలో పాల్గొన్న ఆమెను.. వివాహ బంధం పై మీ అభిప్రాయం ఏమిటి? అని ప్రశ్నించగా.. ‘నిజం చెప్పాలంటే నాకు వివాహం పై నమ్మకం లేదు. నాకు పెళ్లి అయినా ఓకే, కాకపోయినా ఫర్వాలేదు’ అని ఆమె బదులిచ్చింది. అయితే ఇంతకు ముందు ఓ ఇంటర్వ్యూలో.. ‘పెళ్లి ఎందుకు చేసుకోవట్లేదు అంటే నా దగ్గర సమాధానం లేదు. నా మనసుకు నచ్చిన వ్యక్తి దొరికితే కచ్చితంగా చేసుకుంటాను. నన్ను పెళ్లి చేసుకోబోయే వారు జీవితాంతం నాకు తోడు ఉంటాడనే నమ్మకం కలగాలి. అప్పుడు చేసుకుంటాను. పెళ్లి చేసుకొని విడాకులు తీసుకోవడం నాకు ఇష్టం లేదు. పెళ్లి చేసుకొని చాలామంది అసంతృప్తితో జీవిస్తున్నారు. అలాంటి పరిస్థితి నాకు ఎదురు కాకూడదు’ అంటూ చెప్పుకొచ్చింది.  దీంతో త్రిష మాటలు విని, అభిమానులు రెండు మాటలు ఎందుకు మాట్లాడుతున్నారు అంటూ పాత విడియోలు ట్యాగ్ చేస్తూ కామెంట్ చేస్తున్నారు.