ఆసక్తిని రేకెత్తిస్తున్న “కోల్డ్ కేస్” ట్రైలర్

మలయాళ స్టార్ హీరో, డైరెక్టర్ పృథ్వీరాజ్ సుకుమారన్ నటించిన థ్రిల్లర్ మూవీ ‘కోల్డ్ కేస్’. తను బాలక్ దర్శకత్వం వహిస్తున్న ఈ సినిమాలో హీరోయిన్ గా `అరువి’ ఫేమ్ అదతి బాలన్ నటిస్తోంది. ఈ సినిమాను సినిమాటోగ్రాఫర్ జోమో టి. జాన్, ఎడిటర్ షమీర్ ముహమ్మద్, ఆంటో జోసెఫ్ సంయుక్తంగా నిర్మించారు. జోమో… గిరీష్ గంగాధరన్ తో కలిసి సినిమాటోగ్రఫీ అందించగా, షమీర్ ముహమ్మద్ ఎడిటింగ్ చేస్తున్నాడు. ఈ మూవీ అమెజాన్ ప్రైమ్ లో ఈ నెల 30న స్ట్రీమింగ్ కాబోతోంది. ఇప్పటికే ఈ చిత్రం నుంచి విడుదలైన టీజర్ సినిమాపై అంచనాలను పెంచేసింది.

Read Also : అప్పుడు ఇండియాలో, ఇప్పుడు ఇంగ్లాండ్ లో… క్రికెట్ మధ్యలో అజిత్ ఫ్యాన్స్ రచ్చ!

తాజాగా మేకర్స్ “కోల్డ్ కేస్” ట్రైలర్ ను విడుదల చేశారు. కేరళ రాజధాని తిరువనంతపురంలో జరిగిన ఓ హత్యకు సంబంధించి ఇన్వెస్టిగేషన్ జరుగుతుంది. ఆఫీసర్ సత్యజిత్ ఐపీఎస్ గా పృథ్వీరాజ్ నటిస్తున్నాడు. చాలా కాలం గ్యాప్ తర్వాత ఈ సినిమా కోసం మళ్ళీ పృథ్వీరాజ్ పోలీస్ దుస్తులు ధరించాడు. ఇక ట్రైలర్ లో సస్పెన్స్, హారర్, థ్రిల్లర్ అంశాలు కలగలిపి ఆద్యంతం ఆసక్తికరంగా ఉంది. ఉత్కంఠభరితంగా ఉన్న “కోల్డ్ కేస్” ట్రైలర్ ను మీరు కూడా వీక్షించండి.