Tollywood Star Hero: ధురందర్ డైరెక్టర్ తో సినిమాకి తెలుగు స్టార్ హీరో యత్నాలు?

Tollywood Star Hero: ప్రస్తుతం టాలీవుడ్ ఫిల్మ్ నగర్ వర్గాల్లో ఒక ఆసక్తికరమైన వార్త చక్కర్లు కొడుతోంది అదేమంటే ధురందర్ డైరెక్టర్ కోసం ఒక స్టార్ హీరో ప్రయత్నాలు చేస్తున్నారట. బాక్సాఫీస్ వద్ద ‘ధురందర్’ సృష్టించిన ప్రభంజనం అంతా ఇంతా కాదు. ఈ సినిమా సాధించిన భారీ విజయం, మేకింగ్ స్టైల్ చూసి ఇండస్ట్రీలోని అగ్ర హీరోలందరి దృష్టి ఇప్పుడు ఈ సినిమా దర్శకుడిపై పడింది. ముఖ్యంగా ఒక టాలీవుడ్ స్టార్ హీరో అయితే, ఈ డైరెక్టర్‌తో ఎలాగైనా సినిమా ఓకే చేయించుకోవాలని గట్టి ప్రయత్నాలే చేస్తున్నట్లు సమాచారం.

సదరు స్టార్ హీరో ఈ ప్రాజెక్ట్ కోసం ఇప్పటికే రెండుసార్లు సీరియస్‌గా ప్రయత్నించినట్లు తెలుస్తోంది. మొదట తన సన్నిహితుల ద్వారా డైరెక్టర్‌కు కబురు పంపారట. తన బాడీ లాంగ్వేజ్‌కు సరిపోయే కథ ఉంటే సిద్ధం చేయమని కోరినట్లు టాక్. ఒకసారి కాంటాక్ట్ చేస్తే సరిపోదని భావించి, రెండోసారి తనతో క్రమం తప్పకుండా సినిమాలు చేసే ఒక అగ్ర నిర్మాతను రంగంలోకి దింపినట్లు సమాచారం. ఆ నిర్మాత స్వయంగా డైరెక్టర్‌తో మాట్లాడి, అడ్వాన్స్ ఇచ్చేందుకు కూడా సిద్ధమని చెప్పినట్లు గుసగుసలు వినిపిస్తున్నాయి. ఒక భారీ హిట్ పడగానే దర్శకులకు డిమాండ్ పెరగడం సహజం. కానీ ‘ధురందర్’ విషయంలో అది మరీ ఎక్కువగా ఉంది. ఒకవేళ ఈ కాంబినేషన్ సెట్ అయితే మాత్రం, అది టాలీవుడ్‌లో మరో భారీ ప్రాజెక్ట్ కావడం ఖాయం. అయితే ఆ స్టార్ హీరో ఎవరు? ఈ ప్రాజెక్ట్ ఎప్పుడు పట్టాలెక్కుతుంది? అనే విషయాలపై అధికారిక ప్రకటన వచ్చే వరకు వేచి చూడాల్సిందే!