Tollywood: దేవుళ్ళ చుట్టూ సినీ ఇండస్ట్రీ.. ఇప్పుడిదే ట్రెండు గురూ!
Tollywood movies Based on Gods are Trend now : మాములుగా సినీ పరిశ్రమలో ఒక్కో సారి ఒక్కో ట్రెండ్ నడుస్తూ ఉంటుంది. ఈ క్రమంలో ఇప్పుడు ట్రెండ్ చూస్తుంటే ఇండస్ట్రీ అంతా దేవుళ్ళ చుట్టూ తిరుగుతోంది. ఒకప్పుడు ఇతిహాసాలైన రామాయణ, మహా భారతాలనే సినిమాలుగా తీశారు. ఇప్పుడు మళ్లీ అదే ట్రెండ్ నడుస్తోంది. ఆ ఇతిహాసాలకు నేటి జీవితాలను కనెక్ట్ చేస్తూ చేస్తున్న సోషియో ఫాంటసీ చిత్రాలకు గిరాకీ పెరిగింది. దేవుడ్ని తెరపై అలా ఒక్కసారి చూపించినా కూడా సినిమాకు కలెక్షన్లు మోతమోగిపోతోన్నాయి. నిఖిల్ కార్తికేయ 1 అండ్ 2 చూసినా, బాలయ్య అఖండ తీసుకున్నా.. మోటన్నటి హనుమాన్ను తీసుకున్నా.. రీసెంట్గా వచ్చిన కల్కిని తీసుకున్నా కూడా ఇప్పుడంతా దేవుళ్ళ ట్రెండ్ నడుస్తోందో చెప్పాల్సిన పని లేదు.
Shivam Baje : రామ్ రామ్ ఈశ్వరం సాంగ్ అదిరిందిగా!
దైవ భక్తిని చాటే సినిమాలు అయినా, దేవుడి శక్తిని చూపించేలా కథ, కథనాలతో ఉన్న సినిమా అయినా వచ్చిందంటే బాక్సాఫీస్ షేక్ అయిపోవాల్సిందే అన్నట్టు ఉంది పరిస్థితి. ఇక అలాంటి కొన్ని సినిమాలు ఇంకా టాలీవుడ్లో లైన్లో ఉన్నాయి. బాలయ్య అఖండ 2 తో పాటు కల్కి 2 ప్రేక్షకులను అలరించేందుకు రెడీ అవుతున్నాయి. వచ్చే ఏడాది రానున్న విశ్వంభర సోషియో ఫాంటసీ అన్న సంగతి తెలిసిందే. జై హనుమాన్ సెట్స్ మీద ఉంది. నిఖిల్ స్యయంభు, కార్తికేయ 3లు కూడా దైవ భక్తి చుట్టే ఉంటుంది అని తెలుస్తోంది. వీటి మధ్యలో అనసూయ ప్రధాన పాత్రలో నటించిన అరి కూడా వచ్చేందుకు రెడీ అవుతోంది. పేపర్ బాయ్ దర్శకుడు జయశంకర్ డైరెక్ట్ చేసిన ఈ అరి చిత్రం విడుదలకు సిద్దంగా ఉంది. ఇందులో కృష్ణుడిదే మెయిన్ పాత్రగా ప్రక్షేకుల ముందుకు తీసుకు రానున్నారు. ఇప్పటివరకు ఏ సినిమా డైరెక్టర్ టచ్ చేయని అరిషడ్వర్గాలనే కాన్సెప్ట్ మీద అరి మూవీని తెరకెక్కించాడు. ఈ మూవీ చివర్లో కృష్ణుడ్ని చూపించే సీన్కు గూస్ బంప్స్ పక్కా అని ఇన్ సైడ్ వర్గాల సమాచారం.