సెన్సేషనల్ ఫిల్మ్ మేకర్ సుకుమార్ మరియు అతని భార్య తబిత సుకుమార్ సోషల్ మీడియాలో ఓ హృదయపూర్వక పోస్ట్‌ను షేర్ చేసారు. దర్శకుడి భార్య అన్నాక భర్త సినిమాకు చెందిన ఏవో సినిమా అప్ డేట్స్ పోస్ట్ చేస్తారు కదా అందులో ఏముంది అని అనుకోకండి . స్వతాహాగా లెక్కల మాస్టర్ అయిన సుకుమార్ దర్శకుడిగా మారారు. ఆయన శ్రీమతి తబిత సుకుమార్ కూడా పలు సినిమాలను ప్రజెంట్ చేస్తూ ఇంస్ట్రీలో నిర్మాతగా కొనసాగుతున్నారు.
Also Read : ALI : సినీ నటుడు అలీకి షాక్.. అసలేమైందంటే..?
కాగా సుకుమార్ దంపతులు తమ ఉదార స్వభావాన్ని చాటుకున్నారు. వివరాల్లోకెళితే దివ్య అనే యువతి సుకుమార్ ఇంట్లో సహాయకురాలిలా గత కొన్నాళ్లుగా పని చేస్తోంది. దివ్యకు చదుకోని ఎప్పటికైనా ఉద్యొగం సంపాదించాలనే కోరిక బలంగా ఉండేది. అది తెలుసుకున్న సుకుమార్ దంపతులు దివ్య చదువుకునేందుకు ఎంతో సాయం చేశారట. ఒకవైపు ఇంట్లో పని చేసుకుంటూనే మరోవైపు చదువును కంటిన్యూ చేసింది దివ్య. ఇటీవల దివ్య విజయవంతంగా విద్యాభ్యాసం పూర్తి చేసి ప్రభుత్వ ఉద్యోగం సంపాదించింది. దివ్య తన జీవితంలోని ఈ కొత్త అధ్యాయాన్ని ప్రారంభించినందుకు సుకుమార్ మరియు తబిత తమ ఆనందాన్ని వ్యక్తం చేశారు. సుకుమార్ శ్రీమతి తబిత “కళ్ళముందే రెక్కలు విప్పి పై పై కి ఎగురుతున్న దివ్య ని చూస్తే చాలా గర్వంగా అలాగే సంతోషంగా ఉంది “అంటూ తన ఇంస్టాగ్రామ్ లో పోస్ట్ చేసారు. దివ్య చదువుకు తోడ్పాటు అందించడం మరియు ఆమె సాధించిన విజయాలను ప్రోత్సహించడంతో సుకుమార్. తబితలను నెటిజన్స్ అభినందిస్తున్నారు. ఇది వారి దయగల స్వభావానికి నిదర్శనం అని కొనియాడుతున్నారు