The Girlfriend: ది గర్ల్ ఫ్రెండ్.. బాగానే వసూలు చేస్తుందిగా!

నేషనల్ క్రష్ రష్మిక మందన్న ప్రధాన పాత్రలో, హీరో దీక్షిత్ శెట్టి జంటగా నటించిన చిత్రం “ది గర్ల్‌ఫ్రెండ్” బాక్సాఫీస్ వద్ద తన విజయ పరంపరను కొనసాగిస్తోంది. విడుదలైనప్పటి నుంచి అన్ని వర్గాల ప్రేక్షకులను ఆకట్టుకున్న ఈ చిత్రం, సినీ పరిశ్రమలో విజేతగా నిలిచింది. తాజా సమాచారం ప్రకారం, ‘ది గర్ల్‌ఫ్రెండ్’ చిత్రం ప్రపంచవ్యాప్తంగా (వరల్డ్ వైడ్) ఇప్పటివరకు ఏకంగా ₹28.2 కోట్ల రూపాయల గ్రాస్ వసూళ్లను సాధించింది. స్టడీ కలెక్షన్స్‌తో (స్థిరమైన వసూళ్లతో) ఈ సినిమా అన్ని ప్రధాన సెంటర్లలో విజయవంతంగా ప్రదర్శితమవుతోంది.

Also Read : SS Rajamouli : ఐ బొమ్మ రవి మీ పర్సనల్ డేటా అమ్ముకుంటున్నాడు.

ప్రముఖ దర్శకుడు రాహుల్ రవీంద్రన్ రూపొందించిన ఈ చిత్రానికి ప్రేక్షకుల నుంచి మిక్స్డ్ రెస్పాన్స్ వచ్చింది. ఈ చిత్రాన్ని ప్రముఖ నిర్మాత అల్లు అరవింద్ సమర్పణలో, గీతా ఆర్ట్స్, ధీరజ్ మొగిలినేని ఎంటర్‌టైన్‌మెంట్ బ్యానర్లు సంయుక్తంగా నిర్మించాయి. నిర్మాతలుగా ధీరజ్ మొగిలినేని మరియు విద్య కొప్పినీడి వ్యవహరించారు. రష్మిక మందన్న, దీక్షిత్ శెట్టి, అను, ఇమ్మాన్యుయేల్, రావు రమేష్, రాహుల్ రవీంద్రన్ తదితరులు ఈ సినిమాలో కీలక పాత్రలు పోషించారు. ‘ది గర్ల్‌ఫ్రెండ్’ చిత్రబృందం ఈ భారీ విజయంతో ఉత్సాహంగా ఉంది. ఈ సినిమా రష్మిక కెరీర్‌లో మరో మైలురాయిగా నిలిచింది.