Sudarshan Paruchuri’s Debut Film Mr Celebrity Releasing On October 4: ప్రస్తుతం కొత్త కాన్సెప్ట్ సినిమాలను ఆడియన్స్ ఎక్కువ ఆదరిస్తున్నారు. నవ తరం తీస్తున్న సినిమాలకు తెలుగు ఆడియన్స్ ఫిదా అవుతున్నారు. ఈ క్రమంలోనే పరుచూరి బ్రదర్స్ వారసుడు సుదర్శన్ పరుచూరి ‘మిస్టర్ సెలెబ్రిటీ’ అనే సినిమాతో హీరోగా పరిచయం కాబోతున్నాడు. ఆర్పి సినిమాస్ బ్యానర్ మీద చిన్న రెడ్డయ్య, ఎన్. పాండురంగారావు నిర్మాతలుగా ఈ సినిమాను చందిన రవి కిషోర్ తెరకెక్కించారు. వరలక్ష్మీ శరత్ కుమార్, శ్రీ దీక్ష, నాజర్, రఘుబాబు వంటి వారు ముఖ్య పాత్రలను పోషించారు. ఇప్పటికే మిస్టర్ సెలెబ్రిటీ నుంచి రిలీజ్ చేసిన పోస్టర్, టీజర్, పాటలు ఇలా అన్నీ కూడా ఆడియెన్స్ను ఆకట్టుకున్నాయి. తాజాగా ఈ సినిమాకి సంబంధించిన రిలీజ్ డేట్ పోస్టర్ను పరుచూరి గోపాలకృష్ణ రిలీజ్ చేసి అక్టోబర్ 4న ఈ చిత్రం రానుందని ప్రకటించారు.
Actor Abhishek: డ్రగ్స్ కేసులో సినీ నటుడు అరెస్ట్
అనంతరం పరుచూరి గోపాలకృష్ణ మాట్లాడుతూ.. ‘మా మనవడు పరుచూరి సుదర్శన్ నటించిన మిస్టర్ సెలెబ్రిటీ అక్టోబర్ 4న రాబోతోంది. మమ్మల్ని ఆదరించినట్లుగానే మా మనవడ్ని కూడా ఆదరిస్తారని కోరుకుంటున్నా, కొత్త దర్శకుడైనా కూడా రవి కిషోర్ సినిమాను బాగా తీశారు. అక్టోబర్ 4న తప్పకుండా మిస్టర్ సెలెబ్రిటీ సినిమాను చూడండి’ అని కోరారు. పరుచూరి వెంకటేశ్వరరావు మాట్లాడుతూ.. ‘మమ్మల్ని ప్రేక్షకులు ఈ నలభై ఏళ్లుగా ఆదరిస్తూనే ఉన్నారు. ఇప్పుడు మా మనవడు పరుచూరి సుదర్శన్ అక్టోబర్ 4న మిస్టర్ సెలెబ్రిటీ ద్వారా ఆడియన్స్ ముందుకు రాబోతున్నాడు. ఈ చిత్రాన్ని నిర్మాతలు ఎక్కడా కాంప్రమైజ్ కాకుండా గొప్పగా నిర్మించారు. దర్శకుడు అద్భుతంగా సినిమాను తీశారు. మా మనవడ్ని ఆదరించి ఈ సినిమాను విజయవంతం చేయండి’ అని కోరారు.