పుష్ప2 సినిమాతో పాన్ ఇండియా బాక్సాఫీస్‌ను షేక్ చేసాడు అల్లు అర్జున్. ఆ సినిమా సాధించిన విజయంతో ఐకాన్ స్టార్ కాస్త పాన్ ఇండియా స్టార్ మారాడు బన్నీ. అదే జోష్ లో కోలీవుడ్ స్టార్ డైరెక్టర్ అట్లీతో సినిమా చేసేందుకు రెడీ అయ్యాడు. కొద్దీ రోజుల క్రితం ఈ సినిమాను అధికారకంగా ప్రకటించారు. కోలీవుడ్ బడా నిర్మాణ సంస్థ సన్ పిచర్స్ ఈ సినిమాను భారీ బడ్జెట్ పై నిర్మిస్తోంది.
Also Read : RuhaniSharma : ఏ శిల్పి చెక్కాడో ‘రుహాణి శర్మ’ లాంటి అందాన్ని
ఇటీవల ముంబైలో సైలెంట్ గా షూటింగ్ స్టార్ట్ అయిన ఈ సినిమా కోసం అల్లు అర్జున్ ఫిజికల్ ట్రాన్స్ ఫామ్ అయ్యేందుకు రెడీ అవుతున్నాడు. అందుకోసం వర్కవుట్ స్టార్ట్ చేసాడు. అయితే ఈ సారి తన పర్సనల్ ఫిజికల్ ట్రైనర్‌గా ఎల్లాయిడ్ స్టీవెన్స్‌ను నియమించుకున్నాడు బన్నీ. ఎల్లాయిడ్ స్టీవెన్స్ ఎవరో కాదు గతంలో యంగ్ టైగర్ ఎన్టీఆర్ నటించిన అరవింద సమేత వీరరాఘవ సినిమాలో సిక్స్ ప్యాక్ మెకోర్ కోసం ఎల్లాయిడ్ స్టీవెన్స్ పర్యవేక్షనలో తారక్ వర్కౌట్స్ చేసాడు. అప్పట్లో ఆ తారక్ లుక్ కి విశేష స్పందన లభించింది. ఇప్పుడు ఆ ట్రైనర్ ఎల్లాయిడ్ స్టీవెన్స్‌ను బన్నీ కూడా హైర్ చేసుకుని అతడి అండర్ ట్రైన్ అవుతున్నాడు. తాజాగా అందుకు సంబందించిన ఫోటోను కూడా సోషల్ మీడియాలో పోస్ట్ చేసాడు ఎల్లాయిడ్ స్టీవెన్స్. యంగ్ టైగర్ బావ అని పిలుచుకునే బన్నీని ఎల్లాయిడ్ స్టీవెన్స్ ఏ లుక్ లోకి తీసుకువస్తాడో మరికొద్ది రోజుల్లో తెలుస్తుంది. మరోవైపు అల్లు అర్జున్ – అట్లీ సినిమాకు సంబందించిన పనులు చకచక జరుగుతున్నాయి.
