Srinidhi Shetty: ఆ ఛాన్స్ ఎలా వచ్చిందో నాకే తెలీదు

Srinidhi Shetty: ‘కేజీఎఫ్’ బ్యూటీ శ్రీనిధి శెట్టి నటిస్తున్న తాజా తెలుగు చిత్రం ‘ఆదర్శ కుటుంబం’. మాటల మాంత్రికుడు త్రివిక్రమ్ శ్రీనివాస్ దర్శకత్వంలో, విక్టరీ వెంకటేష్ హీరోగా రాబోతున్న ఈ సినిమా ట్రైలర్ లాంచ్ వేడుక మల్లారెడ్డి కాలేజీలో ఘనంగా జరిగింది. ఈ ఈవెంట్‌లో పాల్గొన్న శ్రీనిధి శెట్టి.. తనకు ఈ సినిమాలో అవకాశం ఎలా వచ్చిందో చెబుతూ చేసిన సరదా, ఆసక్తికర కామెంట్స్ ఇప్పుడు సోషల్ మీడియాలో వైరల్ అవుతున్నాయి.

శ్రీనిధి శెట్టి మాట్లాడుతూ.. “అసలు ఈ ప్రాజెక్ట్ నా చేతికి ఎలా వచ్చిందో ఇప్పటికీ నా దగ్గర సరైన సమాధానం లేదు. జీవితం ఎప్పుడూ ఊహించని సర్ప్రైజ్‌లు ఇస్తూనే ఉంటుంది. ఒకరోజు డైరెక్టర్ త్రివిక్రమ్ సర్ నుంచి ఫోన్ రావడం, ఈ పాత్ర నాకు దక్కడం అంతా ఓ మిరాకిల్‌లా అనిపించింది. ఆయన ఇచ్చిన ఈ రోల్ నాకు లైఫ్ లాంగ్ గుర్తుండిపోతుంది” అంటూ చెప్పుకొచ్చారు. లెజెండరీ యాక్టర్ వెంకటేష్ గారితో స్క్రీన్ షేర్ చేసుకోవడం తనకు దక్కిన గొప్ప అవకాశమని, ఆయనతో కలిసి పనిచేయడం ఎప్పటికీ మర్చిపోలేనని సంతోషం వ్యక్తం చేశారు.

అలాగే సినిమా గురించి చెబుతూ.. “మన జీవితంలో నెక్స్ట్ ఏం జరుగుతుందో ఎలాగైతే ఊహించలేమో, ఈ సినిమాలోనూ ప్రతి సీన్‌లోనూ ఒక సరికొత్త ట్విస్ట్, సర్ప్రైజ్ ఉంటుంది. సినిమా చూస్తున్నంత సేపు ఆడియన్స్‌ను కట్టిపడేస్తుంది” అని ధీమా వ్యక్తం చేశారు. మ్యూజిక్ డైరెక్టర్ తమన్ ఇచ్చిన ఆర్ఆర్ థియేటర్లలో మ్యాజిక్ చేస్తుందని, అక్టోబర్ 30న కాలేజీకి సెలవు ఇచ్చేశారు కాబట్టి విద్యార్థులంతా కచ్చితంగా థియేటర్లకు వెళ్లి ఈ సినిమాను చూడాలని కోరారు.