Allu Arjun: అల్లు అర్జున్ ఇంట్లో ఎన్టీఆర్ ఫోటో… వైరల్

Sr NTR Photo in Allu Arjun Home goes Viral: అల్లు అర్జున్ నివాసంలో సీనియర్ ఎన్టీఆర్ ఫోటో ఒకటి ఉండడం ఇప్పుడు సోషల్ మీడియాలో వైరల్ అవుతుంది. అసలు విషయం ఏమిటంటే ఉత్తరప్రదేశ్ నుంచి ఒక అభిమాని అల్లు అర్జున్ ని కలవడం కోసం సుమారు 1600 కిలోమీటర్లు సైకిల్ తొక్కుతూ వచ్చాడు. అతని గురించి తన టీం ద్వారా తెలుసుకున్న అల్లు అర్జున్ వెంటనే ఇంటికి పిలిపించుకుని అతనితో మాట్లాడడమే కాదు ఫోటోలు ఇచ్చి సైకిల్ మీద కాదు ఫ్లైట్లో వెనక్కి వెళ్లేలా ఏర్పాట్లు కూడా చేశారు. అతని సైకిల్ ని కూడా బస్సుకి పంపేలా ప్రణాళికలు చూసుకోమని తన టీంకి పురమాయించారు.

GOAT: చేతులు కాలాక ఆకులు పట్టుకుంటానంటున్న డైరెక్టర్

అయితే ఇదంతా ఒక వీడియోలో రికార్డు అయింది. దాన్ని బన్నీ పీఆర్ టీం రిలీజ్ చేసింది. ఇక ఈ వీడియోలోనే అల్లు అర్జున్ వీడియో షూట్ చేసిన పక్కనే సీనియర్ ఎన్టీఆర్ నిలబడి ఉన్న ఒక ఫోటో కనిపిస్తుంది. అయితే అది ఏమిటా? అని అందరూ అనుమాన పడుతున్న సమయంలో బన్నీ పీఆర్ టీంకు చెందిన వ్యక్తి అది సీనియర్ ఎన్టీఆర్ బయోగ్రఫీ అని చెప్పుకొచ్చారు. అంతేకాదు సీనియర్ ఎన్టీఆర్ కి సంబంధించిన ఒక పెద్ద ఫోటో ఫ్రేమ్ కూడా అల్లు అర్జున్ ఆఫీసులో పెట్టుకున్నారని ఆయన వెల్లడించారు. అల్లు అర్జున్కి పెద్దలు అంటే చాలా గౌరవం అని తెలుగు సినీ పరిశ్రమ మొత్తానికి అన్నగారిగా పరిచయమైన ఎన్టీఆర్ మీద ఆయనకు ప్రత్యేక అభిమానం ఉందని చెబుతున్నారు.