Kantara: కాంతార నటులకు రోడ్డు ప్రమాదం?

‘కాంతార: చాప్టర్ 1’ చిత్రానికి సంబంధించి బ్యాడ్ న్యూస్ ఒకటి తెర మీదకు వచ్చింది. ఆ సినిమాలో నటిస్తున్న నటీనటులను తీసుకు వెళుతున్న ఒక మినీ బస్సు బోల్తా పడింది. బోల్తా పడే సమయంలో ఆ బస్సులో 20 మంది నటీనటులు ఉన్నారు, వారిలో ఆరుగురు జూనియర్ నటులు గాయపడ్డారు. వార్తా సంస్థ PTI ప్రకారం, కన్నడ బ్లాక్‌బస్టర్ చిత్రం ‘కాంతార’ ప్రీక్వెల్‌లోని ఆరుగురు జూనియర్ నటులు ప్రమాదంలో గాయపడినట్లు పోలీసులు సోమవారం తెలిపారు. వీరు ప్రయాణిస్తున్న బస్సులో బోల్తా పడింది. ఇక కర్ణాటకలోని జడకల్‌లోని ముదుర్‌లో షూటింగ్‌ ముగించుకుని కొల్లూరుకు తిరిగి వస్తుండగా ఈ ఘటన చోటు చేసుకుంది. మినీ బస్సులో 20 మంది జూనియర్ ఆర్టిస్టులు ఉన్నారు.

RGV: పరారీలో వర్మ.. ఆ ప్రముఖ నటుడి ఫామ్ హౌస్ లో ?

ఈ ప్రమాదంలో ఆరుగురు జూనియర్ ఆర్టిస్టులు తీవ్రంగా గాయపడ్డారని చెబుతన్నారు. వారిని తట్కా జడ్కల్, కుందాపూర్ ఆసుపత్రులకు తరలించి చికిత్స అందిస్తున్నారు. కొల్లూరు పోలీసులు కేసు దర్యాప్తు చేస్తున్నారు. రిషబ్ శెట్టి ఇటీవలే ‘కాంతార: చాప్టర్ 1’ విడుదల తేదీని ప్రకటించారు. ఈ చిత్రాన్ని అక్టోబర్ 2, 2025న విడుదల చేయడానికి ప్లాన్ చేస్తున్నారు. రిషబ్ శెట్టి నటించిన ‘కాంతార’ 2022 సంవత్సరంలో విడుదలై బాక్సాఫీస్ వద్ద బ్లాక్‌బస్టర్‌గా నిరూపించబడింది. సినిమా హిట్ అయిన తర్వాత రిషబ్ దాని సీక్వెల్‌ను ప్రకటించాడు. అయితే సినిమాకి ముందు కథ కావడంతో ఇది ప్రీక్వెల్ గా మారింది.