మరోసారి పోలీస్ గా శర్వానంద్!

శర్వానంద్… వైవిధ్యమైన పాత్రలతో స్టార్ డమ్ చేరుకున్న టాలీవుడ్ హీరో. ‘ప్రస్థానం’ మొదలు నిన్న మొన్నటి ‘శ్రీకారం’ వరరకూ శర్వానంద్ చేసిన సినిమాలు చూసిన వారికి తన రూటే సెపరేట్ అన్నది ఇట్టే అర్థం అవుతుంది. సినిమాల జయాపజయాలకు అతీతంగా ఏ సినిమాకు ఆ సినిమా భిన్నంగా ఉండేలా చూసుకుంటూ జర్నీ కొనసాగిస్తున్నాడు శర్వానంద్. ఇతగాడు మరోసారి ఖాకీ వేయబోతున్నాడట. గతంలో ‘రాధ’ సినిమాలో పోలీస్ పాత్ర పోషించి అలరించాడు. అయితే ఆ సినిమా బాక్సాఫీస్ వద్ద బాల్చీ తన్నేసింది. ఈ సారి పూర్తిగా సీరియస్ పోలీస్ ఆఫీసర్ పాత్ర పోషించబోతున్నాడట. ఓ న్యూ డైరెక్టర్ చెప్పిన స్టోరీలైన్ శర్వాకు నచ్చిందట. పోలీస్ కథల్లో ఇది కొత్తగా ఉంటుందని శర్వా కూడా ఓకె చెప్పాడట. దీనికి సంబంధించిన పూర్తి వివరాలు త్వరలో వెల్లడి కానున్నాయి.