తెలుగు ప్రేక్షకులకు థ్రిల్లర్, స్పై డ్రామా సినిమాలంటే ఎప్పుడూ అమితమైన ఆసక్తే. సరిగ్గా ఇదే పల్స్ పట్టుకుని టాలీవుడ్ బాక్సాఫీస్ వద్ద సెన్సేషన్ క్రియేట్ చేయడానికి వస్తున్న డిఫరెంట్ అటెంప్ట్ “సీక్రెట్ సోల్జర్”. నిహాల్ కోదాటి, సూర్య శ్రీనివాస్ హీరోలుగా నటిస్తున్న ఈ హై-ఓల్టేజ్ స్పై డ్రామాకి అక్కి విశ్వనాథ్ రెడ్డి దర్శకత్వం వహిస్తున్నారు. తాజాగా ఈ చిత్రం నుంచి మేకర్స్ వదిలిన అప్డేట్ నెట్టింట హాట్ టాపిక్గా మారింది. ఇప్పటికే యాక్షన్, థ్రిల్, హ్యూమర్ ఎలిమెంట్స్తో కట్ చేసిన టీజర్, ట్రైలర్స్ సోషల్ మీడియాలో భారీ బజ్ క్రియేట్ చేశాయి. ఒక సీరియస్ స్పై థ్రిల్లర్కు ఎలాంటి మ్యూజిక్ ఉండాలి అనే అంచనాలను దాటుకుంటూ, తాజాగా మేకర్స్ “ఓయ్ ఓయ్..” అనే ఓ బ్యూటిఫుల్ అండ్ క్యాచీ సాంగ్ను రిలీజ్ చేసి అందరినీ సర్ ప్రైజ్ చేశారు.
కార్తీక్ రోడ్రిగ్జ్ తనదైన స్టైల్లో ఈ పాటకు అద్భుతమైన ట్యూన్ సమకూర్చడమే కాకుండా, స్వయంగా ఆలపించి మ్యాజిక్ చేశారు. ప్రముఖ గీత రచయిత రెహమాన్ అందించిన సాహిత్యం ఈ పాటకు మరింత ప్రాణం పోసింది. కేవలం వినడానికే కాకుండా, సినిమాలో కీలక పాత్రల మధ్య క్యూరియాసిటీని పెంచేలా ఈ పాటను చాలా రిచ్గా, ఆసక్తికరంగా తెరకెక్కించారు. ఒక ఇంటెన్స్ స్పై థ్రిల్లర్లో ఇలాంటి ట్యూన్ రావడం సినిమాపై మరింత హైప్ క్రియేట్ చేస్తోంది. మూన్ లైట్ డ్రీమ్స్ బ్యానర్పై ఏమాత్రం రాజీ పడకుండా ప్రతిష్టాత్మకంగా తెరకెక్కుతున్న ఈ సినిమాలో కమల్ కామరాజు, రఘుబాబు, రంగస్థలం మహేష్ లాంటి హేమాహేమీలు కీలక పాత్రలు పోషిస్తుండటం విశేషం. ఇప్పటికే పోస్ట్ ప్రొడక్షన్ పనులు పూర్తి చేసుకున్న ఈ యూనిక్ స్పై డ్రామా.. సెప్టెంబర్ 18న ప్రపంచవ్యాప్తంగా థియేటర్లలో గ్రాండ్గా విడుదల కాబోతోంది.