విక్టరీ వెంకటేష్ నటించి లేటెస్ట్ సినిమా ‘సంక్రాంతికి వస్తున్నాం’ బ్లాక్ బస్టర్ విజయంతో తెలుగు చలనచిత్ర పరిశ్రమలో ఒక సెన్సేషన్ విజయాన్ని సాధించింది. అనిల్ రావిపూడి దర్శకత్వంలో తెరకెక్కిన ఈ సినిమా సంక్రాంతి కానుకగా రిలీజ్ అయిన ఈ ఫ్యామిలీ ఎంటర్‌టైనర్ బాక్సాఫీస్ రికార్డులను బద్దలు కొట్టడమే కాకుండా ప్రపంచవ్యాప్తంగా రూ. 300 కోట్ల గ్రాస్ మార్క్‌ను దాటిన మొదటి తెలుగు ప్రాంతీయ చిత్రంగా రికార్డు క్రియేట్ చేసింది సంక్రాంతికి వస్తున్నాం.
Also Read : Daaku Maharaaj : డాకు మహారాజ్ కోసం కేరళ ప్రేక్షకుల డిమాండ్
కాగా ఇప్పుడు ఈ సినిమాను బాలీవుడ్ కు వెళ్లబోతుందట. డబ్బింగ్ వర్షన్ రిలీజ్ చేయడం కాకుండా రీమేక్ చేసే ఆలోచనలో ఉన్నారని సమాచారం. ఇటీవల సంక్రాంతికి వస్తున్నాం సినిమాను బాలీవుడ్ హీరో అక్షయ్ కుమార్ చూశాడని ఆయన హీరోగా ఈ సినిమాని బాలీవుడ్ లో రీమేక్ చేయాలనీ భావిస్తున్నట్టు తెలుస్తోంది. తెలుగులో దర్శకత్వం వహించిన అనిల్ రావిపూడి ఈ రీమేక్ వర్షన్ ను డైరెక్ట్ చేస్తాడా లేదా మరిఇంకెవారైనా చేస్తారా అనేది చూడాలి. కానీ అక్షయ్ కుమార్ కు ఇటీవల రీమేక్ లు అంతగా కలిసి రావట్లేదు. తమిళ్ లో సూపర్ హిట్ అయిన కాంచన, ఆకాశం ని హద్దురా, మలయాళ హిట్ సినిమా డ్రైవింగ్ లైసెన్స్, సినిమాలను హింది లో రీమేక్ చేయగా డిజాస్టర్ గా నిలిచాయి. ప్రస్తుతం అక్షయ్ కు బ్లాక్ బస్టర్ హిట్ అవసరం. ఈ నేపథ్యంలోనే సంక్రాంతికి వస్తున్నాం రీమేక్ చేయడం చేయాలని భావిస్తున్నాడట అక్షయ్. ఒకవేళ రీమేక్ చేస్తే ఈ సినిమాను దిల్ రాజు నిర్మిస్తారో లేదా బాలీవుడ్ నిర్మాతలతో చేస్తారో చూడాలి.