Sangeet First Single: ప్రముఖ డిజిటల్ ఇన్ఫ్లుయెన్సర్, పాడ్కాస్ట్ హోస్ట్ నిఖిల్ విజయేంద్ర సింహా హీరోగా పరిచయమవుతున్న లేటెస్ట్ రొమాంటిక్ ఎంటర్టైనర్ ‘సంగీత్’ (Sangeet) నుండి మొదటి సింగిల్ ‘నీ వల్లే’ సాంగ్ నిన్న (2026 సెప్టెంబర్ 19న) ఆఫీషియల్ గా విడుదలైంది. ఆస్కార్ అవార్డ్ విజేత, లెజెండరీ మ్యూజిక్ డైరెక్టర్ ఎ.ఆర్. రెహమాన్ సోషల్ మీడియా ద్వారా ఈ పాటను ఆవిష్కరించి సినిమా టీమ్ బెస్ట్ విషెస్ తెలియజేశారు. సోషల్ మీడియాలో తనకంటూ ఒక ప్రత్యేక క్రేజ్ సంపాదించుకున్న నిఖిల్ ఈ సినిమా ద్వారా వెండితెరకు పరిచయమవుతుండటంతో ఆయన అభిమానులు ఎంతో ఆనందం వ్యక్తం చేస్తున్నారు. ఈ మధురమైన రొమాంటిక్ మెలోడీ సాంగ్కు ప్రముఖ సంగీత దర్శకుడు అచు రాజామణి స్వరకల్పన చేయగా, యువతకు ఎంతో ఇష్టమైన సింగర్ సిద్ శ్రీరామ్ తన మాయా గాత్రంతో ఈ మెలోడీని అద్భుతంగా ఆలపించారు. విక్రమ్ శివ అందించిన వినసొంపైన సాహిత్యం ఈ లవ్ ట్రాక్ను మరింత స్పెషల్ గా మార్చింది. ఇందులో హీరోగా పరిచయమవుతున్న నిఖిల్, తమిళ నటి తేజు అశ్విని ల మధ్య ఉన్న లవ్ జర్నీని, వారి క్యూట్ కెమిస్ట్రీని విజువల్ గా చాలా బ్యూటిఫుల్ గా స్క్రీన్పై ప్రెజెంట్ చేశారు.
ఈ సినిమాతోనే తేజు అశ్విని కూడా టాలీవుడ్లోకి అడుగుపెడుతోంది. చెన్నైలో పుట్టి పెరిగిన ఈమె మొదట యూట్యూబ్ వెబ్ సిరీస్లు, మోడలింగ్ ద్వారా కెరీర్ ప్రారంభించి, ఆ తర్వాత సంతానం నటించిన ‘పారిస్ జయరాజ్’ అశ్విన్ కుమార్ సరసన ‘ఎన్న సొల్ల పొగిరాయ్’ వంటి చిత్రాలతో వెండితెరకు పరిచయమైంది. అలాగే కెవిన్తో కలిసి ఆమె చేసిన ‘అస్కు మారో’ మ్యూజిక్ వీడియో యూట్యూబ్లో వందల మిలియన్ల వ్యూస్ సాధించి ఆమెను సోషల్ మీడియాలో మరింత పాపులర్ చేయగా, ప్రస్తుతం ‘సంగీత్’ సినిమాలోని ‘నీ వల్లే’ మెలోడీ సాంగ్ ద్వారా తన క్యూట్ ఎక్స్ప్రెషన్స్తో తెలుగు ప్రేక్షకులను కూడా అలరిస్తోంది. లహరి ఫిల్మ్స్, ఆర్బీ స్టూడియోస్ సంయుక్తంగా నిర్మిస్తున్న ఈ యూత్ఫుల్ ఎంటర్టైనర్ మూవీకి ప్రముఖ కన్నడ దర్శకుడు సాద్ ఖాన్ దర్శకత్వం వహిస్తున్నారు. ఈ క్రేజీ అండ్ హిలేరియస్ ఫ్యామిలీ డ్రామా ప్రతి ఒక్కరినీ అలరిస్తుందని మేకర్స్ ప్రెస్ మీట్లో కూడా ధీమా వ్యక్తం చేశారు. నిన్న విడుదలైన ‘నీ వల్లే’ సాంగ్ యూట్యూబ్లో మంచి వ్యూస్, రెస్పాన్స్తో ప్రస్తుతం ట్రెండింగ్లో దూసుకుపోతోంది. పెళ్లిళ్ల సీజన్ బ్యాక్డ్రాప్లో సాగే ఈ హిలేరియస్ రొమాంటిక్ ఫ్యామిలీ డ్రామాను ఈ ఏడాది నవంబర్ లేదా డిసెంబర్ నెలల్లో థియేటర్లలో విడుదల చేయడానికి నిర్మాతలు సన్నాహాలు చేస్తున్నట్లు ఇండస్ట్రీ టాక్. త్వరలోనే మేకర్స్ ఈ మూవీ టీజర్, రిలీజ్ డేట్ ను అనౌన్స్ చేయనున్నారు.
