Romanchakam Glimpse: ప్రముఖ దర్శకుడు సందీప్ రెడ్డి వంగా సమర్పణలో, భద్రకాళి పిక్చర్స్ పతాకంపై ప్రణయ్ రెడ్డి వంగా నిర్మిస్తున్న సరికొత్త చిత్రం ‘రోమాంచకం’. ‘మేమ్ ఫేమస్’ చిత్రంతో తెలుగు ప్రేక్షకులకు పరిచయమైన సుమంత్ ప్రభాస్ – అనంతిక శాసిల్కుమార్ ప్రధాన పాత్రల్లో నటిస్తున్న ఈ సినిమా గ్లింప్స్ను తాజాగా చిత్ర బృందం విడుదల చేసింది. ‘ప్రేమ, హాస్యం, ఉత్కంఠ’ అనే ట్యాగ్లైన్తో వస్తున్న ఈ సినిమాకు వేణుగోపాల్ రెడ్డి డైరెక్ట్ చేస్తున్నారు. తాజాగా విడుదలైన గ్లింప్స్ లవ్, కామెడీ, రోమాంటిక్ ఎలిమెంట్స్తో ఆకట్టుకుంటోంది. ఈ గ్లింప్స్ స్టార్టింగ్లో వచ్చే కవిత ప్రేక్షకులను కట్టిపడేస్తుంది. జానకి చెంతనే రాముడి హృదయం.. ఈ ప్రేమ కావ్యం మృదుమధురం అంటూ సాగిన ఈ గ్లింప్స్లో సుమంత్ ప్రభాస్, అనంతిక మధ్య వచ్చే కొన్ని రొమాంటిక్ సీన్స్తో పాటు, కామెడీ డైలాగ్స్, నవ్వులు ప్రేక్షకుల్లో సినిమాపై ఆసక్తిని పెంచుతున్నాయి.
ఈ గ్లింప్స్ డీవోపీ పవన్ పప్పుల అందించిన బ్యూటిఫుల్ విజువల్స్తో, వాసుకి వైభవ్ కంపోజ్ చేసిన స్వీట్ మెలొడియస్ ట్యూన్తో సాగుతూ హీరోయిన్స్ మధ్య ఉన్న ప్రేమను, వారి మధ్య ఏర్పడిన దూరాన్ని చూపిస్తూ సాగింది. ‘అణువు అణువును ఉర్రూతలూపే ప్రణయ కల్లోలమే — రోమాంచకం, ఊహకే అందని ఉవ్వెత్తునెగిసే ఉత్తుంగ తరంగమే — రోమాంచకం..’ అంటూ గ్లింప్స్ లో వచ్చిన లిరిక్స్ ఈ మూవీ ఎంత వైబ్రేటింగ్గా ఉండబోతుందో తెలియజేస్తోంది. సుమంత్ ప్రభాస్, అనంతిక జంట కెమిస్ట్రీ ఈ సినిమాకు హైలైట్గా నిలుస్తోందని అర్థం అవుతుంది. “రోమాంచకం” సినిమా ఒక ఇంట్రెస్టింగ్ యూత్ ఫుల్ ఎంటర్ టైనర్గా రూపొందుతోందని మేకర్స్ తెలిపారు. ఈ చిత్రాన్ని సెప్టెంబర్ 3న ప్రపంచవ్యాప్తంగా థియేటర్లలో రిలీజ్ చేయనున్నట్లు మేకర్స్ అధికారికంగా ప్రకటించారు.
