Sandal Wood: ఇదెక్కడి విడ్డూరం.. కుక్క సినిమాకు డబ్బింగ్ చెప్పడం ఎప్పుడైనా చూసారా..?

శాండిల్ వుడ్ లో 2020లో రిలీజ్ అయి బాక్సాఫీస్ వద్ద ఘన విజయం సాధించిన చిత్రం ‘నాను మత్తు గుండా’. శ్రీనివాస్ తిమ్మయ్య దర్శకత్వంలో ఈ చిత్రం తెరెకెక్కింది. ఒక ఆటో డ్రైవర్ , గుండా అనే ఒక కుక్కను అనుకుండా పెంచుకోవడం అతని భార్య కవితకు అసూయను కలిగిస్తుంది. ఈ ముగ్గురి జీవితాలు ఒకదానికొకటి ముడిపెట్టి ప్రేక్షకుల హృదయాన్ని కదిలించే విధంగా ఈ సినిమాను నిర్మించారు. ఎటువంటి అంచనాలు లేని ఈ సినిమా రిలీజ్ తర్వాత సూపర్ హిట్ గా నిలిచింది. దాదాపు నాలుగేళ్ళ తర్వాత ఆ సినిమాకు సిక్వెల్ రాబోతుంది. గుండను ప్రేమించి పట్టించుకునే కథానాయకుడు శంకర్ మరణానంతరం గుండ ఎటు వెళ్ళింది,తన ప్రయాణాన్ని ఎలా సాగించిందనే కథాంశంతో ఈ సిక్వెల్ రానున్నట్టు దర్శకుడు రఘు హాసన్ తెలిపాడు. ఇప్పటికే మైసూరు పరిసరాల్లో ఈ చిత్ర షూటింగ్ చేసారు మేకర్స్.

Also Read: Tollywood: హమ్మయ్య.. ఆ సినిమాకు ఇక టెన్షన్ తీరిపోయినట్టే..

ఈ సిక్వెల్ కు సంబంధించి షూటింగ్ పూర్తి కాగా ప్రస్తుతం డబ్బింగ్ వర్క్ పనులు మొదలు పెట్టింది యూనిట్. ఈ సిక్వెల్ సినీ చరిత్రలో తొలిసారి ఓ కుక్క తన పాత్రకు తానే డబ్బింగ్ చెప్పింది. ‘నాను మత్తు గుండ-2’లో లాబ్రాడర్ జాతికి చెందిన కుక్క ముఖ్య పాత్రను పోషిస్తుంది. చిత్ర నటుడు రాకేశ్ అడిగతో పాటు ఓ  కుక్క ‘సింబా’ పాత్రలో లీడ్ రోల్ లో కనిపించనుంది. సింబా పాత్రకు శునకం సొంతంగా డబ్బింగ్ చెప్పుకోవడం విశేషం ఏం చెప్పాలి. ఈ మూవీ కన్నడ, తెలుగు, హిందీ తదితర భాషల్లో రిలీజ్ చేయనున్నారు నిర్మాతలు.ఈ సీక్వెల్‌కు టాలీవుడ్ మ్యూజిక్ మ్యూజిక్ డైరెక్టర్ ఆర్‌పి పట్నాయక్ సంగీతం అందిస్తున్నారు. అసలు ఎలా డబ్బింగ్ చెప్పింది, ఆలా ఉండబోతుందనే ఆసక్తి ప్రేక్షకుల్లో నెలకొంది.