రెబల్ స్టార్ ప్రభాస్ హీరోగా గతేడాది వచ్చిన చిత్రం సలార్. కన్నడ దర్శకుడు ప్రశాంత్ నీల్ తెరకెక్కించిన ఈ చిత్రం ఎంతటి విజయాన్ని అందుకుందో తెలిసిన విషయమే. థియేటర్స్ లో సూపర్ హిట్ గా నిలిచిన ఈ చిత్రం డిజిటల్ స్ట్రీమింగ్ లోను రికార్డు వ్యూస్ రాబట్టింది. నెట్ ఫ్లిక్స్ రిలీజైన మొదటి పది రోజులు ఇండియా టాప్ వన్ లో ట్రెండింగ్ లో కొనసాగింది సలార్. తాజగా ఈ చిత్రం బుల్లి తెరపై కూడా బద్దలు కొట్టి వ్యూస్ మరొక రికార్డు క్రియేట్ చేసింది.
Also Read : AindhamVedham : ‘ఐందామ్ వేదం’ ట్రైలర్ను రిలీజ్ చేసిన విజయ్ సేతుపతి
ప్రభాస్, పృథ్వీరాజ్ సుకుమారన్ లీడ్ రోల్స్ లో నటించిన ఈ చిత్రం దేశవ్యాప్తంగా భారీ వసూళ్లు రాబట్టింది. తెలుగు తో పాటు హిందీ ప్రేక్షకులను కూడా విశేషంగా అలరించింది. వివరాలలోకెళితే 2024లో టాప్ త్రీ టెలివిజన్ ప్రీమియర్లలో సలార్ ఒకటిగా నిలిచింది. 25 మే 2024న, హిందీ వెర్షన్ సలార్: పార్ట్ – 1 ప్రపంచ టెలివిజన్ ప్రీమియర్ను స్టార్ గోల్డ్లో ప్రదర్శించింది. స్టార్ ఫోల్డ్ లో 2023 నుండి ఇప్పటివరకు TVలో ప్రదర్శించబడుతున్న అత్యధిక రేటింగ్ పొందిన డబ్బింగ్ చిత్రంగా సలార్ నిలిచింది. దాదాపు 30 మిలియన్లకు పైగా వీక్షకుల సంఖ్యతో, TV ప్రీమియర్ చలన చిత్రాలలో అత్యధిక వ్యూస్ రాబట్టిన సినిమాగా సలార్ సెన్సేషన్ క్రియేట్ చేసింది. ఈ విషయమై అధికారకంగా తెలిపింది స్టార్ గోల్డ్. ముఖ్యంగా ఈ చిత్రంలోని యాక్షన్ ఎపిసోడ్స్ బాలీవుడ్ ప్రేక్షకులను విజువల్ ఫీస్ట్ అందించాయి. మరోవైపు రెబల్ స్టార్ బర్త్ డే కానుకగా ఈ నెల 19, 20 తేదీలలో తెలుగు రాష్ట్రల్లో స్పెషల్ షోస్ ప్రదర్శిస్తుండగా నిమిషాల వ్యవధిలో సోల్డ్ కావడం సలార్ స్టామినా ఏంటో తెలియజేస్తుంది.
