“ఛత్రపతి” రీమేక్ లో హీరోయిన్ ఫిక్స్

బెల్లంకొండ శ్రీనివాస్ హీరోగా బాలీవుడ్ ఎంట్రీ ఇస్తున్న చిత్రం “ఛత్రపతి” హిందీ రీమేక్. ఇటీవలే ఈ సినిమాకు సంబంధించిన ప్రారంభోత్సవం జరిగింది. ప్రముఖ దర్శకుడు ఎస్ఎస్ రాజమౌళి ఈ చిత్రానికి మొదటి షాట్ క్లాప్ కొట్టారు. వి.వి.వినాయక్ దర్శకత్వంలో ఈ భారీ ప్రాజెక్ట్ రూపొందనుంది. ఆయనే బెల్లంకొండ శ్రీనివాస్ టాలీవుడ్ ఎంట్రీ మూవీకి కూడా దర్శకుడిగా వ్యవహరించారు. ఈ రీమేక్‌ను పెన్ స్టూడియోస్ పతాకంపై జయంతిలాల్ గడా నిర్మించనున్నారు. బాలీవుడ్ కు తగ్గట్లుగా స్క్రిప్ట్‌ను అప్‌డేట్ చేసినట్లు నిర్మాత తెలిపారు. కాగా ఈ చిత్రంలో హీరోయిన్ గురించి ఇంతవరకూ మేకర్స్ ప్రకటించలేదు. దీంతో హీరోయిన్ విషయంలో సస్పెన్స్ నెలకొంది.

Read Also : సెన్సార్ పూర్తి చేసుకున్న “తిమ్మరుసు”

తాజా సమాచారం ప్రకారం రెజీనా కాసాండ్రా ఇందులో కథానాయికగా కన్పించబోతోందని తెలుస్తోంది. ఇది రెజీనాకు హిందీలో రెండవ చిత్రం అవుతుంది, ఇది ఇప్పటికే “ఏక్ లడ్కి కో దేఖా తో ఐసా లగా”తో బాలీవుడ్‌లోకి అడుగుపెట్టింది. ఈ చిత్రం 2018లో రిలీజ్ అయ్యింది. రెజీనా చేతిలో దాదాపు 7 తమిళ చిత్రాలు ఉన్నాయి. ఈ నటి మెగాస్టార్ చిరంజీవి “ఆచార్య”లో కూడా అతిధి పాత్రలో నటిస్తుంది.