Jayam Ravi: సీక్రెట్ పెళ్లిపై పెదవి విప్పిన జయం రవి

రవి మోహన్‌గా పేరు మార్చుకున్న జయం రవి గురించి ప్రత్యేకంగా తెలుగు ప్రేక్షకులకు సైతం పరిచయం చేయాల్సిన అవసరం లేదు. గతంలో తెలుగులో కొన్ని సక్సెస్‌ఫుల్ సినిమాలు చేసిన ఎడిటర్ మోహన్ కుమారుడే ఈ రవి మోహన్. ఈ మధ్యకాలంలో భార్యతో విడాకుల వ్యవహారం కారణంగా ఆయన పేరు ఎక్కువగా వార్తల్లో వినిపిస్తోంది.

Also Read:‘Lucky’ Dulquer : నిజంగానే లక్కీ దుల్కర్!

తమిళంలో కొన్ని సాంగ్స్ పాడి పాపులర్ అయిన కెనిషా అనే ఒక సింగర్ కారణంగా తన భర్త తనను వదిలేస్తున్నాడని ఆయన భార్య ఆరోపిస్తోంది. ఆ సంగతి పక్కన పెడితే, వీరిద్దరూ కలిసి కనిపిస్తూ ఉండడంతో అది నిజమేనేమో అని అందరూ భావిస్తున్నారు. ఈ మధ్య వీరిద్దరూ మెడలో దండలతో ఒక గుడిలో ఉన్న ఫోటో సోషల్ మీడియాలో వైరల్ అవుతోంది. ఇంకా విడాకులు తీసుకోలేదు కాబట్టి రహస్యంగా పెళ్లి చేసుకున్నారేమో అనే వార్తలు తెర మీదకు వస్తున్న నేపథ్యంలో ఈ విషయం మీద రవి మోహన్ స్పందించాడు.

Also Read:NTR-Neel : 2వేల మందితో ఎన్టీఆర్ భారీ యాక్షన్ సీక్వెన్స్..

ఇది కేవలం ఒక పూజ సందర్భంగా తీసుకున్న ఫోటోలని చెప్పుకొచ్చాడు. తాను ప్రారంభిస్తున్న కొత్త ప్రొడక్షన్ హౌస్ ఏర్పాట్లలో భాగంగా తీసిన పూజలో ఈ ఫోటోలు దిగామని చెప్పుకొచ్చాడు. ఇక తన పార్టనర్‌గా ఫీల్ అయ్యే కెనిషా తనతో పాటు గుడికి వచ్చిందని, ఇందులో పెళ్లికి ఎలాంటి సంబంధం లేదని చెప్పుకొచ్చాడు. ఆసక్తికరమైన విషయం ఏమిటంటే ఈ కెనిషా ఫ్రాన్సిస్ ఓ క్రిస్టియన్.