Klin Kaara: మెగా వారసురాలి పిక్ రిలీజ్… క్లిన్ కార ఎంత క్యూట్ గా ఉందో చూశారా!

మెగా అభిమానులు ఎంతో కాలం నుంచి ఎదురుచూస్తున్న అప్డేట్ రానే వచ్చింది. ఎట్టకేలకు రామ్ చరణ్ వారసురాలి ఫోటోను సోషల్ మీడియా వేదికగా రిలీజ్ చేశారు. ఈ మేరకు రామ్ చరణ్ సతీమణి ఉపాసన కొణిదెల, రామ్ చరణ్‌తో కలిసి క్లిన్ కార ఉన్న ఫోటోని సోషల్ మీడియా వేదికగా షేర్ చేశారు. ఈరోజు క్లిన్ కార మూడవ పుట్టినరోజు సందర్భంగా, పుట్టినరోజు వేడుకలకు సంబంధించిన ఫోటో షేర్ చేసినట్లుగా తెలుస్తోంది.

ఇక రాంచరణ్ దంపతులకు మొత్తం ముగ్గురు సంతానం. మొదటి కుమార్తెగా క్లిన్ కార జన్మించగా, తర్వాత ఇద్దరు కవల పిల్లలు జన్మించారు. ఆ కవల పిల్లలను క్లిన్ కారకు చూపించేందుకు రాంచరణ్ ఆమెను తీసుకువస్తున్న సమయంలోనే, రామ్ చరణ్ అభిమానులు అపోలో ఆసుపత్రి వద్ద అత్యుత్సాహానికి పోయి క్లిన్ కార మీద కప్పి ఉన్న వస్త్రాన్ని తొలగించి, ఆమెను చూసే ప్రయత్నం చేశారు. ఈ చర్య అప్పట్లో తీవ్ర విమర్శలకు దారితీసింది. ఇక ఇప్పుడు క్లిన్ కార పుట్టినరోజు సందర్భంగా ఏకంగా ఆమె ఫోటోని మెగా ఫ్యామిలీ షేర్ చేయడం, ఇప్పుడు అభిమానులకు ఆనందం కలిగిస్తోందని చెప్పొచ్చు.