PEDDI Trailer: ‘పెద్ది’ ట్రైలర్ బ్లాస్టింగ్‌కు టైం ఫిక్స్.. మెగా మాస్ జాతర ఏ టైంకి షురూ అవుతుందో తెలుసా?

Shiva Ganesh
Peddhi Trailer

Peddhi Trailer

PEDDI Trailer: గ్లోబల్ స్టార్ రామ్ చరణ్ హీరోగా నటిస్తున్న మోస్ట్ అవేటెడ్ పీరియడ్ స్పోర్ట్స్ డ్రామా ‘పెద్ది’. ఈ రోజు చిత్ర నిర్మాత వెంకట సతీష్ కిలారు పుట్టిన రోజు ఈ సందర్భంగా చిత్ర బృందం ఆయనకు జన్మదిన శుభాకాంక్షలు చెబుతూ.. పెద్ది ట్రైలర్‌పై అదిరిపోయే అప్డేట్ ఇచ్చారు. వృద్ధి సినిమాస్ పతాకంపై మైత్రీ మూవీ మేకర్స్, సుకూమార్ రైటింగ్స్ భాగస్వామ్యంతో ఈ భారీ ప్రాజెక్ట్‌ను వెంకట సతీష్ కిలారు నిర్మిస్తున్న సంగతి తెలిసిందే. ఈ సందర్భంగా రామ్ చరణ్‌తో కలిసి ఉన్న నిర్మాత సతీష్ కిలారు ప్రత్యేక పోస్టర్‌ను మేకర్స్ సోషల్ మీడియా వేదికగా రిలీజ్ చేశారు.

ఈ బర్త్‌డే పోస్టర్‌తో పాటు అభిమానులు ఎప్పుడెప్పుడా అని ఎదురుచూస్తున్న ట్రైలర్ రిలీజ్ అప్‌డేట్‌ను కూడా చిత్ర యూనిట్ అధికారికంగా ప్రకటించింది. మే 18, 2026 (ఈరోజు) మధ్యాహ్నం 3 గంటలకు ముంబైలోని ప్రముఖ ‘జియో వరల్డ్ డ్రైవ్’ వేదికగా గ్రాండ్‌గా ‘ట్రైలర్ టేక్‌ఓవర్’ (#PEDDITrailer Takeover) ఈవెంట్‌ను నిర్వహించనున్నారు. ఈ వేడుకతో సినిమా ప్రచార పర్వాన్ని సరికొత్త స్థాయికి తీసుకెళ్లాలని మేకర్స్ ప్లాన్ చేస్తున్నారు. ‘ఉప్పెన’ ఫేమ్ బుచ్చిబాబు సానా దర్శకత్వంలో 1980ల నాటి ఆంధ్రప్రదేశ్ పల్లెటూరి నేపథ్యంలో ఈ చిత్రం తెరకెక్కుతోంది. క్రికెట్, సాంప్రదాయ కుస్తీ (రెజ్లింగ్) వంటి క్రీడల నేపథ్యంలో సాగే ఇంటెన్స్ ఎమోషనల్ డ్రామా ఇదని సినీ సర్కిల్‌లో జోరుగా ప్రచారం జరుగుతుంది.

Also Read

Add as a preferred
source on google

ఈ చిత్రంలో రామ్ చరణ్ సరసన జాన్వీ కపూర్ కథానాయికగా నటిస్తుండగా.. కన్నడ స్టార్ శివ రాజ్‌కుమార్, జగపతి బాబు, దివ్యేందు శర్మ, బోమన్ ఇరానీ కీలక పాత్రలు పోషిస్తున్నారు. ఈ చిత్రానికి ఆస్కార్ విజేత ఎ.ఆర్. రహ్మాన్ స్వరాలు అందిస్తున్నారు. ఇప్పటికే విడుదలైన ‘చికిరి చికిరి’, ‘రై రై రా రా’ పాటలు యూట్యూబ్‌లో మిలియన్ల వ్యూస్‌తో దూసుకుపోతున్నాయి. ఈ పాన్ – ఇండియా చిత్రం జూన్ 4న ప్రపంచవ్యాప్తంగా థియేటర్లలో విడుదల కానుంది (జూన్ 3న ప్రీమియర్ షోలు). నేడు విడుదల కానున్న ట్రైలర్‌తో సినిమాపై అంచనాలు మరింత పీక్స్‌కు చేరడం ఖాయమని సినీ విశ్లేషకులు భావిస్తున్నారు.