Ram Charan: “విరాట్ అంటే ఫైర్.. ధోని అంటే కూల్”.. క్రికెట్ లెజెండ్స్‌పై చరణ్ క్రేజీ కామెంట్స్

జూన్ 4న విడుదల కాబోతున్న ‘పెద్ది’ ప్రమోషన్స్‌లో భాగంగా భోపాల్ స్టేజ్‌పై రామ్ చరణ్‌కు ఇండియన్ క్రికెట్ లెజెండ్స్ గురించిన ప్రశ్నలు ఎదురయ్యాయి. దానికి చరణ్ స్పందిస్తూ సచిన్ టెండూల్కర్, ఎంఎస్ ధోని, రోహిత్ శర్మ, విరాట్ కోహ్లీల వ్యక్తిత్వాన్ని, వారి ఆటతీరును చాలా సింపుల్‌గా, అంతే పవర్‌ఫుల్‌గా కొన్ని క్రేజీ ట్యాగ్‌లైన్స్‌తో వర్ణించారు. బుమ్రా విషయంలో జరిగిన చిన్న ఫన్నీ కన్ఫ్యూజన్ పక్కన పెడితే.. చరణ్‌కు క్రికెట్ మరియు మన ఇండియన్ లెజెండ్స్ అంటే ఎంత గౌరవమో ఆయన ఒక్కొక్కరి గురించి చెప్పిన వన్-లైనర్ కామెంట్స్ ద్వారా స్పష్టమైంది.

సచిన్ గురించి చెప్తూ.. ఆయన కెరీర్.. ఇండస్ట్రీలో ఆయన సాధించిన మైల్‌స్టోన్స్ ఎప్పటికీ ఒక గొప్ప “లాంగ్ రన్” (సుదీర్ఘ ప్రయాణం) కు నిదర్శనమని చరణ్ కొనియాడారు. అలాగే మిస్టర్ కూల్ ఎంఎస్ ధోని గురించి ప్రత్యేకంగా చెప్పాల్సిన పనిలేదు. ఎలాంటి విపత్కర పరిస్థితుల్లో అయినా గ్రౌండ్‌లో ఆయన ఉండే “కూల్ అండ్ కామ్” మనస్తత్వమే ఆయన్ని గ్రేట్ లీడర్‌ను చేసిందని చరణ్ పేర్కొన్నారు. ప్రస్తుత ఇండియన్ కెప్టెన్ రోహిత్ శర్మపై చరణ్ చాలా బ్యూటిఫుల్ కామెంట్ చేశారు. రోహిత్ శర్మను చూస్తే మన ఇంట్లో మనిషిలా, అందరికీ సొంతమైన వాడిలా అనిపిస్తాడని, ఆయనలోని సింప్లిసిటీకి అది ఒక ఉదాహరణ అని చెప్పారు. రన్ మెషీన్ విరాట్ కోహ్లీ పేరు వినబడగానే చరణ్ ఫుల్ జోష్‌తో “ది ఫైర్” (The Fire) అని అభివర్ణించారు. గ్రౌండ్‌లో కోహ్లీ చూపించే అగ్రెషన్, ఆటపై అతనికున్న కసి, నిప్పులాంటి పర్ఫార్మెన్స్‌కు ఈ ట్యాగ్ పర్ఫెక్ట్ మ్యాచ్ అని ఫ్యాన్స్ ఖుషీ అవుతున్నారు.

 

Mega Power Star #RamCharan about Indian Cricketers #SachinTendulkar – Long Run#MSDhoni – Cool and Calm#RohitSharma – Everyone Own Him #ViratKohli – The Fire#Peddi #TeluguFilmNagar pic.twitter.com/y4kBXwcnnS

— Telugu FilmNagar (@telugufilmnagar) May 23, 2026