Rajamouli : ఎన్టీఆర్ నా స్నేహితుడు కాదు.. నా మిత్రులు వారే..?

ఎన్టీఆర్,రాజమౌళి బాండింగ్ గురించి ప్రత్యేకంగా చెప్పాల్సిన పని లేదు .దర్శకుడిగా రాజమౌళి మొదటి సినిమా అయిన స్టూడెంట్ నెంబర్ వన్ సినిమాలో ఎన్టీఆర్ హీరోగా నటించారు.వీరిద్దరి కాంబినేషన్ లో వచ్చిన మొదటి మూవీ సూపర్ హిట్ అయింది.ఆ సినిమాతో రాజమౌళి ఎన్టీఆర్ మధ్య మంచి బాండింగ్ ఏర్పడింది.రాజమౌళి తన రెండో సినిమా కూడా ఎన్టీఆర్ తోనే చేశాడు.వీరిద్దరి కాంబినేషన్ లో వచ్చిన సింహాద్రి సినిమా ఇండస్ట్రీ రికార్డులు తిరగ రాసింది. ఇక వీరిద్దరి కాంబినేషన్ లో యమదొంగ మరియు రీసెంట్ గా ఆర్ ఆర్ ఆర్ వంటి బ్లాక్ బస్టర్ మూవీస్ వచ్చాయి. అయితే రాజమౌళి ఇచ్చిన ప్రతి ఇంటర్వ్యూ లో తనకు ఎంతో ఇష్టమైన హీరో తారక్ అని చెప్పేవారు.

నేను ఏ హీరోతో సినిమా చేసిన కూడా ఆ సినిమా పెద్ద హిట్ అవ్వాలి ,నిర్మాతకు మంచి కలెక్షన్ రావాలని కోరుకుంటాను. కానీ తారక్ తో సినిమా చేసేటప్పుడు ఆ సినిమా తారక్ కెరీర్ కు ఏ విధంగా ఉపయోగపడుతుంది అని ఆలోచిస్తుంటాను అని రాజమౌళి గతంలో తెలిపారు .దీనితో వీరి బాండింగ్ చూసి ఎన్టీఆర్ ,రాజమౌళి మంచి స్నేహితులు అని అంతా భావించారు.అయితే తాజాగా ఎన్టీఆర్ నా మిత్రుడు కాదని రాజమౌళి చెప్పడం చర్చకు దారి తీసింది. రీసెంట్ గా కృష్ణమ్మ మూవీ ప్రీ రిలీజ్ ఈవెంట్ లో పాల్గొన్న రాజమౌళిని ఇండస్ట్రీలో మీకున్న ఇద్దరు బెస్ట్ ఫ్రెండ్స్ ఎవరని అడగగా అక్కడ వున్న ప్రేక్షకులు అంతా ఎన్టీఆర్ అంటూ నినాదాలు చేశారు. దానికి రాజమౌళి స్పందిస్తూ ఎన్టీఆర్ నాకు మిత్రుడు కాదు నా తమ్ముడు లాంటి వాడు అని తెలిపాడు .నాకు బెస్ట్ ఫ్రెండ్స్ అంటే బాహుబలి నిర్మాతలు అయిన శోభు యార్లగడ్డ, సాయి కొర్రపాటి అని ఆయన తెలిపారు.