పుష్పక విమానం: ‘కల్యాణం..’ పాటను విడుదల చేసిన సమంత

ఆనంద్ దేవరకొండ హీరోగా నటిస్తున్న కొత్త సినిమా ‘పుష్పక విమానం’.. గీత్ సైని కథానాయికగా నటిస్తుండగా.. నూతన దర్శకుడు దామోదర ఈ చిత్రాన్ని రూపొందిస్తున్నారు. హీరో విజయ్ దేవరకొండ సమర్పిస్తున్నారు. అన్ని కార్యక్రమాలు పూర్తి చేసుకున్న ‘పుష్పక విమానం’ విడుదలకు సిద్ధమవుతోంది. ఈ లోగా ప్రచార కార్యక్రమాలు ఊపందుకుంటున్నాయి. ఇప్పటికే ‘సిలకా’.. అనే పాట లిరికల్ వెర్షన్ రిలీజ్ చేశారు. తాజాగా ‘కల్యాణం..’ అంటూ సాగే మరో లిరికల్ సాంగ్‌ను టాలీవుడ్ స్టార్ హీరోయిన్ అక్కినేని సమంత చేతుల మీదుగా విడుదల చేయించారు. వెడ్డింగ్ నేపథ్యంలో సాగే ఈ పాటను విడుదల చేస్తున్నందుకు ఆనందంగా ఉందంటూ సమంత తెలిపింది. కాసర్ల శ్యామ్ రాసిన ఈ పాటను సిద్ శ్రీరామ్ తో కలిసి మంగ్లీ బృందం పాడింది. హీరో హీరోయిన్ల వివాహం సందర్భంగా వచ్చే ఈ పాట ఆకట్టుకుంటుంది.