ఐకాన్ స్టార్ అల్లు అర్జున్ హీరోగా రష్మిక మందన్న హీరోయిన్ గా నటిస్తున్న చిత్రం పుష్ప -2. మైత్రి మూవీ మేకర్స్ పతాకంపై సుకుమార్ దర్శకత్వంలో తెరెకెక్కిన ఈ సినిమా డిసెంబరు 5న ప్రేక్షకులు ముందుకు రాబోతుంది. నప్రస్తుతం చివరి దశ షూటింగ్ ఉన్న ఈ సినిమాకు దేవిశ్రీ ప్రసాద్ సంగీత దర్శకుడిగా వ్యవహరిస్తుండగా సునీల్, ఫాహద్ ఫాజిల్, అనసూయ భరద్వాజ్, రావు రమేష్, జగపతిబాబు తదితరులు ఈ చిత్రంలో కీలక పాత్రలు పోషిస్తున్నారు.
విడుదల సమయం దగ్గర పడుతుండడంతో మేకర్స్ ప్రమోషన్స్ ను స్టార్ట్ చేసారు. ఇప్పటికే పాట్నాలో ట్రైలర్ రిలీజ్ చేయగా ఇప్పుడు తెలుగు రాష్ట్రాల్లో ప్రమోషన్స్ పై మేకర్స్ ద్రుష్టి పెట్టారు. అందులో భాగంగా ప్రీ రిలీజ్ ఈవెంట్ ను భారీ స్థాయిలో నిర్వహించేందుకు ప్లాన్ చేస్తున్నారు. ఇందుకోసం నవంబరు 30న హైదరాబాద్ లోని రామోజీఫిల్మ్ సిటీలో ఈవెంట్ చేసేందుకు అనుమతుల కోసం పోలీసులకు దరఖాస్తు చేసారు. కానీ ఇక్కడే కొంత టెన్షన్ వాతావరణం నెలకొంది. హైదరాబాద్ లో గత కొన్ని రోజలుగా ఎటువంటి భారీ ఫంక్షన్స్ గాని, అవుట్ డోర్ డీజే సౌండ్స్ గాని ర్యాలీలు గాని చేసేందుకు నిషేధం విధించారు. దాంతో ఇప్పుడు పుష్ప ఈవెంట్ కు పర్మిషన్ వస్తుందా రాదా అనే అనుమానం మేకర్స్ కు ఉంది. పుష్ప లాంటి భారీ సినిమాకు ఇండోర్ ఫంక్షన్ కుదరదు సో మేకర్స్ అవుట్ డోర్ లో చేయాలని చూస్తున్నారు, ఒకవేళ అనుమతి రాకుంటే ప్రీ రిలీజ్ ఈవెంట్ ను ఆంధ్రప్రదేశ్ లోని చిత్తూరులో చేసేందుకు ప్లాన్ చేస్తున్నారు
