Prabhas: ఆల్ ఆన్ ట్రాక్.. ‘సలార్ 2’ ఒక్కటే డిసప్పాయింట్!

Prabhas: ఇండియాస్ బిగ్గెస్ట్ సూపర్ స్టార్ ప్రభాస్ ప్రస్తుతం వరుస ప్రాజెక్టులతో దూసుకుపోతున్నారు. ఒకవైపు భారీ బడ్జెట్ చిత్రాలు, మరోవైపు విభిన్న కథాంశాలతో ఫ్యాన్స్‌కు బ్యాక్-టు-బ్యాక్ ట్రీట్స్ ఇచ్చేందుకు సిద్ధమవుతున్నారు. ప్రస్తుతం హను రాఘవపూడి దర్శకత్వంలో తెరకెక్కుతున్న ‘ఫౌజీ’ షూటింగ్‌తో బిజీగా ఉన్నాడు డార్లింగ్. ఈ సినిమా షూటింగ్ ఏప్రిల్ చివరి వరకు నిర్విరామంగా కొనసాగనుంది. పీరియాడిక్ వార్ డ్రామాగా రూపొందుతున్న ఈ సినిమాను వచ్చే దసరాకు రిలీజ్ చేయడానికి సన్నాహాలు చేస్తున్నారు మేకర్స్. మరోవైపు, బాక్సాఫీస్ వద్ద రికార్డులు సృష్టించిన ‘కల్కి 2898 AD’ పార్ట్-2 అప్పుడే పట్టాలెక్కేసింది. కమల్ హాసన్, అమితాబ్ బచ్చన్‌లపై కీలక సన్నివేశాలు చిత్రీకరిస్తున్నారు. నాగ్ అశ్విన్ దర్శకత్వంలో రూపొందుతున్న ఈ సీక్వెల్ కోసం అభిమానులు ఎంతో ఆసక్తిగా ఎదురుచూస్తున్నారు.

Also Read: Megastar: రామ్ చరణ్‌ కంటికి సర్జరీ.. మెగాస్టార్ ఎమోషనల్ పోస్ట్!

ఇక వీటితో పాటు.. సందీప్ రెడ్డి వంగా దర్శకత్వంలో తెరకెక్కుతున్న మోస్ట్ అవైటెడ్ మూవీ ‘స్పిరిట్’ షూటింగ్ కూడా అత్యంత వేగంగా జరుగుతోంది. ఈ సినిమాలో ప్రభాస్ పవర్‌ఫుల్ పోలీస్ ఆఫీసర్ పాత్రలో కనిపించబోతుండటంతో అంచనాలు ఆకాశాన్ని తాకుతున్నాయి. ప్రస్తుతం ప్రభాస్ లైనప్ తీసుకుంటే.. ఒక్క సలార్ సీక్వెల్ తప్ప మిగతా సినిమాలన్నీ ఓ రేంజ్‌లో దూసుకుపోతున్నాయి. నిజానికి ‘సలార్ 2’ పై ఎక్కడా లైని హైప్ ఉంది. కానీ, ప్రశాంత్ నీల్ ఎన్టీఆర్‌తో ఓ సినిమా కమిట్ అవడం, ప్రభాస్ భారీ లైనప్‌ ఉండడంతో వెనక్కి వెళ్లింది. ఇది కూడా మొదలైతే ప్రభాస్ ఫ్యాన్స్ ఫుల్ హ్యాపీ. ఎన్టీఆర్‌-నీల్ ప్రాజెక్ట్ పూర్తయిన వెంటనే ‘సలార్ 2’ పట్టాలెక్కే అవకాశం ఉంది. అప్పటివరకు ప్రభాస్.. స్పిరిట్, కల్కి 2, ఫౌజీ చిత్రాలను పూర్తి చేయనున్నాడు. కానీ, సలార్ సీక్వెల్ కోసం రెబల్ స్టార్ ఫ్యాన్స్ ఈగర్‌గా వెయిట్ చేస్తున్నారు.

Also Read: Peddi: అనుకున్నదే అయిందా? వెనక్కి తగ్గిన పెద్ది, కొత్త రిలీజ్ డేట్ ఇదేనా?