Prabhas’ Fauzi Latest Update: పాన్ ఇండియా స్టార్ ప్రభాస్ వరుస సినిమాలతో బిజీగా ఉన్నారు. ‘రాజాసాబ్’ అనంతరం హను రాఘవపూడి దర్శకత్వంలో తెరకెక్కుతున్న పీరియాడిక్ యాక్షన్ డ్రామా ‘ఫౌజీ’, సందీప్ రెడ్డి వంగా దర్శకత్వంలో రూపొందనున్న హైఓల్టేజ్‌ యాక్షన్ థ్రిల్లర్‌ ‘స్పిరిట్’ సినిమాలలో డార్లింగ్ నటిస్తున్నారు. రెబల్ స్టార్ లైనప్‌లో కల్కి 2, సలార్ 2 కూడా ఉన్నాయి. అయితే తాజాగా ఫౌజీ, స్పిరిట్ చిత్రాలకు సంబంధించి ఓ న్యూస్ చక్కర్లు కొడుతోంది. ముఖ్యంగా ప్రభాస్ షూటింగ్ షెడ్యూల్స్‌ అభిమానుల్లో ఆసక్తి పెంచుతోంది.
ఫౌజీ షూటింగ్‌కు మరో 25 రోజులు:
ఫౌజీ సినిమా కోసం ప్రభాస్ ఇంకా దాదాపుగా 25 రోజుల పాటు షూటింగ్‌లో పాల్గొనాల్సి ఉందట. ఈ చిత్రంలో తనకు సంబంధించిన షూటింగ్‌ను డిసెంబర్ మొదటి వారానికి పూర్తి చేస్తారని తెలుస్తోంది. అయితే ఈ షెడ్యూల్‌పై చిత్ర బృందం నుంచి అధికారిక ప్రకటన రావాల్సి ఉంది. ఫౌజీపై ఇప్పటికే ప్రేక్షకుల్లో ఆసక్తి నెలకొంది. ఈ సినిమాలో ఇమాన్వి కథానాయికగా నటిస్తున్నారు. మైత్రీ మూవీ మేకర్స్ నిర్మిస్తున్న ఈ చిత్రానికి సంబంధించిన టీజర్‌ను ప్రభాస్ పుట్టినరోజు (అక్టోబర్ 23) సందర్భంగా విడుదల చేయనున్నట్లు ప్రచారం జరుగుతోంది.
డిసెంబర్ రెండో వారం నుంచి స్పిరిట్:
ఫౌజీ షూటింగ్ పూర్తయిన తర్వాత ప్రభాస్ స్పిరిట్ సినిమా కోసం రంగంలోకి దిగనున్నట్లు సమాచారం. డిసెంబర్ రెండో వారం నుంచి వరుసగా రెండు నెలల పాటు ఈ సినిమా షూటింగ్‌లో పాల్గొనే అవకాశం ఉంది. ‘అర్జున్ రెడ్డి’, ‘యానిమల్’ చిత్రాలతో తనదైన ముద్ర వేసిన సందీప్ రెడ్డి వంగా.. ప్రభాస్‌తో తెరకెక్కించనున్న స్పిరిట్‌ను ఎలా రూపొందించనున్నారనే ఆసక్తి సినీ అభిమానుల్లో ఉంది. ప్రభాస్‌ను కొత్త తరహా పాత్రలో చూడాలని అభిమానులు ఎదురుచూస్తున్నారు.
మార్చి 18 విడుదల?:
ఫౌజీ చిత్రాన్ని 2027 మార్చి 18న విడుదల చేయాలని చిత్ర యూనిట్ చూస్తోందని ఓ న్యూస్ నెట్టింట వైరల్ అయింది. అయితే ఈ తేదీపై చిత్ర బృందం నుంచి అధికారిక ధృవీకరణ లేదు. ప్రభాస్ పుట్టినరోజున టీజర్ విడుదల చేస్తారనే ప్రచారం కూడా అభిమానుల్లో ఉత్సాహాన్ని పెంచుతోంది. మొత్తానికి ఫౌజీ షూటింగ్‌ను పూర్తి చేసి, ఆ తర్వాత స్పిరిట్ కోసం వరుసగా రెండు నెలల షెడ్యూల్‌లో పాల్గొంటారనే వార్తలు ప్రభాస్ అభిమానుల్లో ఆసక్తిని రేకెత్తిస్తున్నాయి.